رواية أغلال زمن الغيهب للكاتبة مرمر الدليمي الفصل الرابع والعشرون
هُذال: ماحچيت شي سويت نفسي نايمه
اسمع بس حسراته حسره تجر
حسره يضم نفسه إلى اكثر
بعد غفيت ماكعدت ألى ب 5 ونص فكيت اديات غَهيب مني هستوني اريد اكوم ورجعت ايده التفت على خصري زفرت نفس استغفر ربي اريد اوخر ولا يفك ادياته
حچه ضايج مغمض عيونه
غهيب: ليش ماتركدين.
هُذال: غهيب وخر كلش مالي خلكك مو ماخذك الواهس.
عبالك ميسمعني أصلاً خرمشت ادينه بأضافري
غهيب: خرب لشتچ وولچ اركدددددييي.
هُذال: شنو بكيفك اررركد؟ وخر يلا وخرر.
: بعد بعد اخذيلج راجدي.
: لا حول ولا قوة ألى بل لله العلي العظيم.
: شالچ الله.
نزلت راسي ال ادينه الصايره على خصري وعضيتهن حييل سحب أيد وحده والثانيه ضغط بيها حيل على خصري
غهيب: الله يطيح حضچ ادبسز.
زفرت نفس احچي بجديه
هُذال: غَهيب.
غهيب: عينه أنتِ گلبه.
: وخر عني صدك ضجت! لاتخليني اكرهك.
- سحب ايده مني واني لفيت شعري اخذت كتبي وطلعت غسلت نزلت جوه بوجهي للحديقه فرشت فراش وكعدت طلعت كتبي وضليت اقره طلعت سفانه مبدله الساعه ب 7 لابسه تنوره سوده وقميص سمائي وكعب شفاف حاطه اديها على عيونها وعاكده حاجبها فاتت من يمي ماشافتني واني صوفرت التفتت فازه من شافتني ضحكت
سفانه: هههههه خرب فززتيني.
هُذال: عمي شطالعه الله ربك ياغفارر.
: صددك؟ حلوووه؟
: تموتيين.
شمرتلي بوسه بلهوه وتمشت للباب التفتت عليه وغمزت
: وغهيب هم الله ربه.
طلعت من الباب للخط مالتها واني ضحكت
كملت قرايتي الجو يجنن بس المواد لعبان نفس ههههههه
صارت الساعه ب 10 كعدو كلهم مُهاف جاب ريوكه وكعد يمي
مُهاف: خل نتريك سوه.
هُذال: ما اريد والله.
: هذاال.
: يلا عمي.
: وين اكو بنيه تكول عمي؟
: اني سادس؟
: ترا سادس يتعب مو يكلب البنيه ولد.
: مُهاف بشرفك لاتختلف عليه ترا بس انتَ بقيت صاف وياي.
ضحك يشاقيني.
طلعت خاله ايات شايله الچاي تباوعلنه
عاوجه حلكها
آيات: مردتو زرعاتي.
مُهاف: يمه يازرعات هيه صبه.
: صبه بعينك.
: رحم الله والديج.
كعدت يمنه تصب بلچاي
آيات: هُذال يمه شخلصتي.
هُذال: بس هلورقتين واخلص ان شاء الله.
: عفيه عفيه، بيش الساعه كعدتي.
: ب 5.
: ليش ماكعدتيني اسويلچ ريوگ.
: لا ماجوعانه واذا جعت اني اسوي.
مُهاف: اذا مامفتهمه شي بلررياضيات اني افهمچ عليه.
طلع غَهيب من الباب لابس قميص اسود رسمي وبنطرون اسود ومناضره لازمهن بأيده
دنكت راسي اسوي نفسي اكل وهمست
هُذال: هم أجه.
ندستني خاله آيات بأيدها
آيات: دشوفي شحلاته طالع اليوم
يكون تشوفه وسن.
كشرت بوجها اباوع صفح
هُذال: وماتشوفه والله يالله.
وكف فوك راسنه عبالك ملك الموت
استغفر الله كالتله خاله آيات
آيات: وين رايح يمه
غَهيب: رايح اخطب.
رفعت عيني أله بسرعه لكيته يباوعلي رافع حاجبه ضحك ودنك راسه واني كملت اكل وحچيت
هُذال: أي عل خير أن شاء الله شهر شهرين وتسكنون المحاكم.
غهيب: عليمن حرگتي دمچ هسه أنتِ انا جاي احچي وي امي.
آيات: أمك لاتحچي وياها روح اخذ غير وحده تخطبلك لو تروح بطرك ايدك.
رفعت حواجبي ورفعت راسي أله مبتسمه
هُذال: جاي اباركلك ليش ضجت؟
غهيب: الله يبارك بيچ.
مُهاف: شقاوچي صاير الله يخليك.
غهيب: ماجاي اشاقه؟!
عكدت حاجبي هذا كل عقله جاي يحچي
صدك وصوته مال واحد ابد ميشاقه وكفت
اللكمه ببلعومي مارفعت راسي بقيت مدنكه
آيات: شبيك يمه صدك تحچي؟
غهيب: وداعت أبويه شبيچ.
مُهاف: غهيب شبيك تخبلتت؟!
من حلف بأبو تأكدت جاي يحچي صدك خاله آيات مصدومه تباوعله ومهاف مستغرب منه حيل گلبي وجعني ووجهي بهت جريت نفس مختنگه كمت بسرعه ما اريد اضعف كدامه ومشيت بسرعه من فتت منه جر ايدي نترت ايدي منه حيل
هُذال: وخرر.
ضحك حيل جرني الحضنه كدامهم
غهيب: اخطب حبيبي بس مو ألي
والله مو ألي.
دفعته اوخر بي وهوَ كل ما ادفعه
يضحك أنتهى من الضحك
مُهاف: ولحسين لو صارت صدك ياغهيب اطلك هُذال منك وأذا اخليك تشوف خيالها اطلع معتب.
غهيب: دمشي لك تاخذها شنوو تريد تموتني.
مُهاف: لعد هيه من تشوفك تتزوج كدامها متموتت؟
صد عليه منزل راسه الوجهي يحچي بهدوء يباوع بعيني
غهيب: تموتين هُذال؟
دفعته مني وهوَ مات من الضحك ردت عليه خاله ايات كلبها محترگ
آيات: وكعت گلبي صدك چذب يمه هوا هذا هم شقه ولو صدك ردت تاخذ بلحسين لا أنتَ ابني ولا اعرفك ولا اروح اخطبلك اصلاً.
غهيب: حقچ حقچ.
جرني وياه يم الباب وكرص خدي يضحك
غهيب: شوو ضجتي نونو؟
رديت عليه مختنگه
هُذال: لاتكليي نونوو.
: نونو.
حطيت عيوني بعيونه شكد احب من
يكول أسمي هذا درت وجهي منه ورجعت كعدت بمكاني
جر نفس بحسره ونزل راسه وطلع.
كعدنه ناكل كلنه واجت رسل كعدت بصف مُهاف وهو يخلي كدامها اكل و يسوي نفسه مامهتم نزلت راسي اضحك شكد حلوين فدوه
ضليت اقرا لويين يلا اجه غهيب هم بدل وطلع يتفقد المحلات لليل يلا اجه كاعدين كلياتنه نتعشه كضيت اليوم كله اقره التراكمات
سفانه: يوم.
آيات: ها.
: عيوني وراسي حيل يوجعني.
غهيب: خاف شقيقه؟ يوجعج راسج كله لو نصه.
سفانه: كله.
: الحمد الله.
هُذال: سفانه خاف عندچ ضعف نظر؟ لأن بابا هم مره راسه وعيونه وجعنه كلش وهوااي راح الدكاتره اخر شي طلع ضعف يضرب على الراس.
سفانه: ما ادري والله بس حيل يأذيني.
مُهاف: باچر اخدچ اني.
غهيب: روح السلار.
مُهاف: أي ان شاء الله.
رسل بس تشوف غَهيب موجود بعد تسكت ابد متحچي وتنزل راسها اعرفها حييل مقهوره لان زعلان منها وهيه مالها عين تحچي لا وياه ولا وي مُهاف رغم صار شهر هيه هنا بس مافديوم حچت وياهم ولا حطت عينها بعيونهم.
مُهاف: هُذال شويه وبدلن أنتِ والبنات نروح للمول.
يكول البنات ميكول سفانه ورسل عود يكابر هههههه رديت عليه
هُذال: مابيه حيل روحو انتو.
مُهاف: تغيرين جو بابا.
هُذال: لا والله مابيه اخذ رسل ضايجه وسفانه وخاله.
مُهاف: چا منو يبقه يمچ.
غَهيب: أنا.
باوعت عليه ورجعت باوعت المهاف
همست يمه
: اريد اروح وياكم.
رفع راسه غَهيب يباوعلي رافع حاجبه درت وجهي منه
مُهاف: ها؟
هُذال: لاچذب شنو ابقه خايفه شنو ينتل قابل.
هز راسه أي واني كتله بصوت عادي مو همس
هُذال: عفيه قبل لتروح استنسخ مالتي الجنسيه ومال بابا ومال ماما بلطابعه اني ما أعرف يردوهن علمود الدخول مال وزاري.
قبل لايرد حچه غهيب
: اني اسويهن.
استغفرت ربي وكملت اكل شربو چاي وبدلو وطلعو ضليت بلمرر اروح وارجع واقره
باوع للدرج قبل ليجي غهيب ركضت طلعت الجناسي وخليتهم اخاف يسألني ما اريد احچي وياه فوك ما هوه عاايل يقهرني الصبح يقهرر بيه الخبييث
رجعت أقره مامرت ساعه واجه سويت نفسي ما منتبهة وياه دخل للغرفه وطلع بأيده الجناسي اخذهم وراح الغرفه حاطين بيها الطابعه وادوام الرسم مالت غهيب.
شويه وطلع حطهن قريب عليه ونزل جوه هاا؟ ماحچه؟ هااا؟ ليحچي شعده حاچي اصلاً ناره تاكل حطبه اخذتهم وخليتهم بجنطتي لل 1: 15 يلا أجوي مُهاف والبنات وخاله آيات
انطاني علاكه مُهاف
مُهاف: هاي حصتچ.
هُذال: فدوووه اروح اني فدووه.
رسل: ههههه هذال اي شي اكلنه منه جابه الچ.
باوعت عليه مبتسمه شكد حباب ويحبني ومن صدك معتبرني اخته من غَهيب يضوجني هوه يكوف بوجهة علمودي وحته مساع من غهيب كال راح اخطب يكله اخذها منك وخيالها ما اخليك تشوفه وميرجع للبيت اذا ايده فارغه مابيها شي ألي وي سفانه ورسل حسيته يكول صح رسلان راح بس اني موجود.
سفانه: يمه بداعت ابوي عليچ شلون الطلعه.
ذبت الصايه مالتها تحچي مستعجله
آيات: ابدد ابدد موو حلوه بدون چنتي ابدد.
مُهاف: لعد من ب 11 ونص كتلكم يلا خل نرجع ياهوو الكال لاا هواي وكت خل نضل نفترر.
آيات: أنا!
رسل: لأ يابه هاي سفانه.
اندك الباب وغهيب نزل من الدرج
غَهيب: هذا سكندر.
طلع فتح اله الباب واحنه كعدنه بلصاله يسولفون وين راحو وشلون اماكن حلوه ومهاف يخوف بخاله ايات ويسوق سريع.
واحنه كاعدين نسمع صوت ضحك غهيب اقترب صوته ودخل من الباب واكف شايل هندس بنت سكندر وهيه لازمه خده بثنين اديها تبوس بي وتضم راسها بركبته وهوَ يضحك ويحضنها
ضليت اباوع عليهم طاير بيها اليكول اول بنيه يشوفها على وجه الأرض اجت عيني بعينه درتها منه اسوي نفسي ما مهتمه و هيه بس شفاتت مُهاف فتحت ايدها اله ابتسم الها واخذها من غهيب
غهيب: بابا سفانه عَمريلي النركيله.
سفانه: تمام هسه.
وكفت يم هندس وباستها همستلي رسل
رسل: منو هاي.
هذال: بنت سكندر.
رسل: ياا ياعيني.
طلع غهيب واني وكفت يم مُهاف واخذتها منه ضحكت حيل وحضنتني
هُذال: ياايابه فدووه فدووه.
ابوس بيها طلع مُهاف ل سكندر وخاله آيات راحت الغرفتها بدلت شالها وطلعت لسكندر
ركضت سفانه للباب مال استقبال تسمع واني كعدت هندس على الكاونتر ووكفت كبالها
هذال: شلونچ هنوددسه؟
هندس: دينه.
: أنتِ تحبيني لو تحبين عموو اكثرر؟
: كلاثتكم.
: مو ثلاثه احنه ثنين اختاري واحد.
حطت اصبعها على حلكها ورفعت عيونها فوك تفكر
: هبيب.
برطمت شفايفي بزعل
: وانيي؟
: عمو يجيبلي حالويات ويجيبلي فروله ويجيبلي ككو أنتِ متجيبيلي.
: هوه اني شايفتچ علمود اجيبلج.
: اتذكررررتت أنتِ تغنيلي.
: تحبين اغنيلج؟
: ااهووواايه.
: اغنيلج بس بعد من يبوسج عمو غهيب تضربينه على حلكه خوش ومتكولين اني كتلج اذا ماضربتي على حلكه من يبوسج تمرضين وخدج يكوم يوجعج.
اقنع بيها حاطه عقلي وياها وهيه بس تباوعلي وتفتح عيونها تسوي بحلكها تصير أواه؟ واني اهز براسي اي
غهيب: شمعنى على حلگي؟
فزيت اباوع وراي واكف ساند جسمه على
الباب ومكتف اديناته يااكاع انبلعي وشكيني وين اشرد ووين اروح وينن اضم وجهي صخام الصخمج ياهذال هسه هاي سوايتج شتحطيلها وتطيب ابتعدت من هندس والبنات بس سمعن صوت غهيب اجني يركضن سون نفسهن جانن مشغولات.
بعد لا حچيت ولا باوعت بوجهة كبل صعدت للغرفه مالتي ونمت من فشلتي.
كعدت على صوت المنبه غهيب نايم هلمره بدون لايحضني استغربت منه بس ماحچيت غسلت وتوضيت صليت صلا الصبح ولزمت كتابي اراجع كلها كعدت صارت ب 12 وكمت للغرفه ابدل لكيت غهيب هم يبدل ابد ماشفته چنت خاتله بغرفه رسلان حته ريوك ماتريكت
لبست ودزيت رساله المهاف
هُذال: انتَ توديني موو.
مُهاف: أي نزلي صعدي شويه واجيج.
اخذت جنطتي ونزلت ادعي يارب اجاوب بلامتحان يااارب لكيتهم كلهم ملتمين بلصاله يحچون وبس اجيت كلهم سكتو عفاهم وطلعت كعدت بسياره مُهاف مامرت 5 دقايق وصعد غهيب وقفل البيبان
لزمت راسي بين اديه ياااااااربي صبرك يااااربيي صبرنييي على ما ابتليتني يااارب كلتله بنفاذ صبر
هُذال: غهيب افتح الباب!
غهيب: هُذال ما افتح الباب!
حرك السياره هااادء اصلاً ولا بباله الموضوع حرك گلبي بلزايد من حرگتي مديت ايدي على الستيرن اغير الاتجاه السياره كامت تسوق مخربط
غهيب: ولچ ارككددي.
هذال: ماا اركدد نزليي هسه مُهاف يودينيي.
لزم ايدي وبعدها من الستيرن
غهيب: نايم مُهاف.
هُذال: ماعليككك اني راسلته كااعد.
ضحك حيل متونس
غهيب: هذا انا.
غمضت عيوني اصبر بروحي عضيت الكتاب البدي حيلل شايطه هسه مال اسويلي مصيبه شكبرها بس عندي امتحااان عندي صخماان.
هُذال: يصير خير غهيب.
سكت مارد عليه واني طلعت كتابي اراجع من صدك شطت بس طبك السياره نزلت وركعت الباب حيل وراي طبيت قبله للصف صارت بوجهي بباب الاداره ست نجلاء اويلي شلون اني بخاله ايات الثانيه
نجلاء: هاا هاا على كيفچ شنو متمالخين.
لزمت راسي بين اديه راح ينفجر حته مابيه حيل اجامل
هُذال: ست والقران واصله عندي لهناا لهناا من ارتاح احچي وياچ.
نجلاء: يااا يااا ولج الله يساعد غهيب.
درت الها وجهي فاتحه عيوني على وسعهم
هُذال: انييييي؟ انييييي الله يساعده عليه؟
مسحت وجهي حيل حته ملامح وجهي طيرتهم
ضحكت هيه طب غَهيب عيونه بكصته واني فتت الصفي حته الاسينات مارحت ولا شفتها
دخلت ام العربي ماشاء الله شرحها لعبان نفس وطلعت هزيت ايدي جنه خارطه العافيه وبس تراجع دخلو ثاني درس امتحنونه
سلمت ورقتي الحَمد الله زينه وطلعت طلع المدرس طبينه للصف اني وزينه جنه ميته بچي رحنه الها نركض.
هُذال: ياا جنه شبيچ.
جنه: مااجاوبتتت مااجاوبتت.
حضنتها زينه تحچي وياها وهيه من النوع الشاطره الدرجات القليله مترضه بيهن نوب على حضها دخل استاذ مرتضى
سكتت هيه بس ضلت تبچي وكفنه كلنه
مرتضى: استريحو.
كعدنه وجنه دارت ضهرها تطلع كتابها مسحت دموعها وكعدت تراجع استاذ مرتضى كلساع يدير وجهة
بدينه نشرح كمت أني وهوه دار ضهره على الصبوره وحچه
استاذ مرتضى: جنة.
ردت عليه مدنكه راسها صوتها كله بچي
جنة: نعم استاذ.
- روحي غسلي بابا.
هزت راسها وطلعت بدون متحچي
كملت شرح وكعدت تقدم يفتر بين الرحلات وكف يم رحلتنه وسألني
مرتضى: ليش تبچي؟
هُذال: ما جاوبت.
- يا مدرس يدخللكم بهاي الماده؟
- استاذ مؤيد.
هز راسه أي ورجع كال
- اني اخلي يعيده الها باچر.
هزيت راسي وطبت جنة وهو ابتعد منه دغتني زينه بعكس ايدها
زينة: مو أكول هوايه مركز بجنة صاير.
هُذال: اي الشباك واللباك وكومي غسلي.
حطت ايدها على حلكها واني ماتحملت درت وجهي الجنة.
هُذال: عيني لاتبچين استاذ مرتضى كال اني احچي وي استاذ مؤيد يعيده الچ.
رفعت راسها اله عاكده حاجبها ورجعت باوعتلي
جنة: حلفي؟
زينة: والعباس.
درت وجهي منها من استاذ مرتضى باوع علينه كمل شرح ودك الجرس عيوني كامت تغمض وتفتح وحدها اشوف الدنيا تفتر اختل توازني سندتني زينة سمعت صوت غهيب يكول السلام عليكم وبس شميت عطره لزمت ايده اشوف الواحد ثنين
غهيب: هُذال هُذال.
هُذال: غهيب.
مشيت وياه وهوَ ثواني اختفه ورجع بأيده لبن شربت منه شويه صار عندي هبوط لان مامتريكه ولا متغديه مسحت وجهي وردت راسي اريد اطلع
غهيب: هاا بابا صرتي زينه؟
هزيت راسي اي وطلعت البره الشعب كلها بلصفوف وكفت يم الحديقه مسحت وجهي حيل صار بصفي غهيب يباوع لعيوني
غَهيب: نونو.
بقيت اباوعله مارديت عليه دنك راسه وحچه
غهيب: شسويلچ وترضين شسوي.
حطيت كذلتي ورا أذني الهوى يطير بيها ورديت عليه.
هُذال: لتصيح عليه بوقت عصبيتك اني موو عبد عندك فهمنه أنتَ عصبي وفهمنه متكدر تسيطر على نفسك وفهمنه تعززل نفسك لان عصبيتك تطول يلا تبرد بس هذا مو معناها نعذرك شوكت متعصب وتعيط علينه واحنه مالنه دخل يجوز خاله آيات متعوده ويجوز سفانه ومهاف وحتى رسل متعودات بس أني لأ مثل ما أنتَ مره حاسبتني لان كتلك عديم اخلاق وضجت اني هم اضوج وهم حييل من تصيح عليه وياريت بوحدنه كدامهم كلهم كتلك قبل غهيب اني گلبي مو حمل ضيم لاتتعبه.
لزم ادياتي ثنينهم بين أديه ورفعهم
لشفايفه يبوسهن كل أصبع وحده
غَهيب: حقچ عليه ابوي أنتِ انا الغلط ورب الغلط بس يشهد عَليه ربي ماشفتچ كبالي ولاميزت صوتچ حته ولا سمعت ألي كلتي حچيكم بعقلي صياح مو حچي عادي حته لو بهدوء حچيتو.
هُذال: غهيب اني ما اريدك تعتذر ولا اريد اتعبك وياي أني اريد اشوفك متغير ما اريد كلام بس.
غَهيب: ببطن عيني أنتِ، عبالچ أنا مرتاح؟ من ابتعد عنك واكثر من السبوعين اني ما شايف وجوهكم؟ عبالچ شي حلو، لأ اني امنع نفسي منكم لأن خايف عليكم وداعت ابويه إلى اني ميت وممرود گلبي والله اساساً اكثر شي احتاجه من اعصب انتو.
ذبيت نفس مختنگه
هُذال: تغير غهيب إذا مو الخاطري الخاطر خاله آيات الخاطر سفانه، زين باچر عكبه اذا صارت مشكله لا سامح الله بين سفانه وغفار هم تروح تصوبه؟ هم تضل تصيح وتعيط ومتتفاهم.
غهيب: أفصم ضهره.
هُذال: ديلا أستلم، تغيير غهيب تغير ماكو شي ينحل بلعصبيه.
دنك راسه يمسح على اصبعي البي حلقه
غهيب: أنتِ رتبيني على ايدچ اليعجبج بيه بقي والمتحبي وخري.
هُذال: اوخرك كلك إذا هيچ.
رفع راسه الوجهي صافن بي
غهيب: مو كتلج طاح حضه گلبي ساعه الحبچ.
هُذال: راح اروح عندي درس.
باوع على الساعه وهز راسه لأ
غهيب: روحي جيبي الجنطه راح نطلع.
هُذال: ليش شكو؟
غهيب: مُهاف متخربط اجيت اكلچ ولكيتچ هم متخربطه.
لزمت گلبي بأيدي
هُذال: شبي يعني متخربط عفيه؟
غَهيب: ما أدري نونو ما ادري روحي جيبي جنطتج بسرعه.
ركضت للصف جبتها لكيته واكف بلباب ولازم سترته بطرف أصبعه وحاطها وره ضهره شكدد احب هاي حركته
صعدت حاطه گلبي بشيشه شبي مُهاف وخاف صارله شي وكلساع أسئل غَهيب حتى وجهي صار اصفر
الجو مغيم ومو شمس عبالك شتاء
نسمه هوى بارده تجنن طبك غهيب على محل.
غير 5 دقايق ويجي؟ لا ضل بلساعتين هوه جوه غفيت حتى ما ادري بنفسي كاعده من وقت مافزيت إلى على صوت الباب من نفتح
اباوع كدامنه بيت سكندر عكدت حاجبي
هُذال: هاي شنو؟
غهيب: سكندر يكول صار فتره ما ماكل اكل بيت جبتج نطبخ اله عشه ونطلع.
ضليت اباوع بوجهة
هُذال: هاي شنو غَهيب صدك تحچي.
عض على شفته السفليه بطريقه ادبسززيه
غهيب: والله شلعتي گلبي تجرينه جرر هيچ اسمي حلو.
هُذال: استغفرالله اني وين احچي وهوه وين يحچي.
غهيب: نزلي شبيچ محد اكو هذا المفتاح.
رفعه بأيده ورجع كال
غهيب: نسويله عشى ونروح.
هُذال: وملابسي غهيب شنو السالفه من شوكت اني أعرف اسوي اكل هوه ذيچ المره أنتَ طبخت النه بس كيك أعرف اسوي.
غهيب: هوه كلشي ياكل نزلي نزلي.
نزلت ساكته مدري شبي ابد مو طبيعي مشيت وياه للبيت فتحه وطبينه فارغ وهدوء كعدت على الطاوله مال طعام وحطيت ايدي على خدي الساعه كدامي ب 5: 00 هاي شنو لعد غهيب شكد تأخر بلمحل.
طب غَهيب وكعد كدامي
هُذال: هاا شو كعدت؟
غَهيب: لعد شسوي.
: غير تسويله اكل علمود نروح.
: هواي وكت نصلي ونروح.
: غَهيب شنو السالفه شارب شي؟ شنو نصلي شنو عشه لسكندر شنو أني جايبني بملابس المدرسه.
: ششارب شو متعرفين تحچين.
: ببسي شارب ببسي.
: منين الببسي.
: من خالتك شبيك غهيب والعباس ترا اعوفك وأمشي مدري شبيك حچيك شي ميربط بشي.
: شبيها خالتي.
ضربت ايدي بكصتي حيل ارجع شعري الوره متنرفززه.
: اللهم صبرك على ما أبتليتني بهِ.
صفن شويه ورجع كالي
غهيب: نونو.
هُذال: نعم.
: ليش منروح نفتر بلبيت؟ نشوف شكو ماكو.
ضليت اباوعله مصدومه هذا شيريد بلضبط وشبي هلكد متغير ما ادري
: وعلى غهيب مدري شبيك اليوم.
: هسه لو باقين بلمدرسه مو اشرف النه.
: دتصل على مُهاف مو گلبي نشگ عليه.
رفع حاجبه يباوعلي
: شبي كلبچ شبي؟
: نشگ على مُهاف.
هز أيده واتصل على مُهاف
غهيب: ااحممم ها مُهاف شلون صرت.
اخذته من ايده.
هُذال: هاا مُهاف عفيه شلون صرت شبيك أنتَ شيوجعك.
مُهاف: ها بابا مابيه شي، شني مو كلت الغهيب لاتكول ليش كالچ.
هُذال: عفيه غهيب ما أدري شبي جايبني البيت سكندر يكولي نسويله عشه ونروح وهسه يكلي خل نفتر بلبيت نوب يكول نصلي ونروح حته كمت اخااف.
أنفجرر ضحك مُهاف وغهيب سحب
التليفون مني وسده بوجه مُهاف
غَهيب: ماتضمين سالفه ماتضميها.
هُذال: عليمن اضمها هيه شنو يااا شبيك؟
غهيب: اقري اقري.
طلعت كتبي وكعدت اقره وهوَ مكابلني كل ما ارفع راسي الكا صافن عليه ساند ايده جوه حنكه
اخر شي ضليت رافعه راسي اباوع بعيونه
عيونه تتنقل على ملامح وجهي مركز على كل جزء حچه بدون انتباه
غهيب: عيوني انتِ وشنو فايده الحياة بدون عيون؟ هيچ حياتي بدونچ ما ألها داعي.
هُذال: غهيب لاتصير ماتستحي ترا اني بعدني استحي.
صفن عليه بلع ريك يباوع بعيوني عاف الكرسي مالته واجه كعد بصفي جر الكرسي مالتي قريب على مالته وبدون تفاهم حضني أله مخلي راسي على كلبه يحچي صوته مختنگ
غهيب: أضمچ بكلبي هُذال بكلبي اضمچ خاطر لايتعب كلبچ مني.
بقيت ساكته كلماته هَذني يعشعشن بكلبي وحييل يفرحني أحس هلكلام طالع من أعمااق كلبه
بقى على هلوضع تقريب النص ساعه واني ساكته استمع الصوت نبضات گلبه.
ابتعدت منه ومن صدك بقينه واحد مكابل الثاني واني بملابس المدرسه الحد ما أذن وخلص صليت لافه راسي بخاولي
وكفت يم المطبخ اباوع الغهيب
هُذال: ها غهيب وين عشاك؟
غهيب: خل يولي اني اجيبله جاهز.
: تضحك عليَ أنتَ؟
: ترا خبصتيني خبص وين ماخذچ انا! رجلج ترا رجلج.
: وأذا رجلي مابيك امان شنو من العصر الحد هسه هنا كلساع مطلع شي جديد؟
مسح وجهة وشال السويچ
غَهيب: أمشيي عمي امشيي كلت نغير جو وحدنه ببيت سكندر عبالك خاطفچ.
هُذال: يا جو غهيب غير جايبني بملابس المدرسه؟
: ولو جايبج من البيت شتلبسين مشبج قابل.
فتحت عيوني اباوع بوجهة وهوَ من كل عقله ضايج طلع كدامي هزيت ايدي هذا شبي؟ شلت جنطتي وطلعت وراه
ضايج ويسوق معصب طبك على نفس المحل الرحنه اله بلبدايه وكالي بعصبيه
غهيب: نزليي.
ضليت فاكه حلكي واباوعله لا عندي صخام جهاز اخابر احد يجي ينقذني ولا اكدر ارادده خاف يجيبني بسطره ومنا حسيت نفسي صدك خبصته خبص يعني تريد تغير جو تكلي نسوي عشه لسكندر؟
نزلت بدون ما احچي هوه يمشي كدامي اخر شي التفت عليه وجرني من ايدي لازمها يمشيني وياه دخلنه المحل فساتين مشه بيه كبل لأبو المحل
غهيب: السلام عليكم
خلص الفستان؟
- وعليكم السلام
دقايق اجيبه الك.
دخل بغرفه صايره بضهر المحل مالته وطلع فستان ماروني يجننن من فوك كرستال شفاف
من الخصر بي حزام بنفس الكرستال الفوك ابتسم غهيب مد ايده واخذاه
حطه عليه يقيس هز راسه اي تشكر من ابو المحل حطه بعلبه لزم ايدي واني كلشي ممفتهمه
هُذال: غهيب هذا المنو؟
غهيب: ألچ.
: لابسه اسود اني ما البس الوان؟!
: تذبي الأسود.
: لا والله؟
وكفني كدام السياره حط العلبه بلسياره ولزم وجهي بين ادينه يباوع بعيوني.
غهيب: تذبي هُذال شفتي من ضليتي لابسه اسود على اهلچ شصار؟ مو زين عليچ والله العضيم بعدين من شوكت الحزن بلملابس؟ حزنچ بكلبچ الاسود مو مقياس.
رديت عليه بغصه
هذال: ما اكدر غهيب.
غهيب: هذال ليش تشلعين گلبي؟ الأسود متلبسي بعد مو زين.
فتحلي باب السياره صعدت ساكته صعد وياي وحرك السياره طبك كبال صالون نزل فتحلي الباب يباوع بوجهي
غهيب: يلا؟
هُذال: شنو غَهيب؟
باوع على الساعه ورجع باوعلي.
غهيب: يلا ساعه ونص واجي اخدچ دخلي.
نزلت مستغربه منه كلشي مافهمت من الصبح الحد هسه
هُذال: شنو غهيبب عرس شكو؟
غهيب: تجهزي ومعليچ.
حط العلبه مال فستان بأيدي واشرلي امشي ارتاچ على السياره يباوعلي منتضرني امشي مشيت وكلساع التفت اله دخلت كلشي مفاهمه وهنه بس سألني أنتِ هُذال
كتلهن أي استلمني
ماخلن شي ماخلنه بوجهي بلساعه واني احاول اكلهن مافهمتن شي ماكال الجن شني الحجزلي هذا الصالون وهنه ساكتات.
كملت مكياج ماخلني اباوع بلمرايه انطني الفستان ودلني على مكان التبديل
بدلت وطلعت
- ماشاء الله عين النبي تحرسچ حبيبتي.
هُذال: شكرًا، اكدر اشوف وجهي هسه؟
هزت راسها أي تقدم كدام المرايه صافنه على روحي صارر شكدد مشايفه نفسي بهيج لبس وبهيج مكياج من قبل ليتوفون اهلي المكياج حييل راهم الملامح وجهي والفستان صاير حيل حلو وياه ولون الحمره بلونه
طلعتلي كعب احمر نفس لون الفستان
هُذال: هذا هم هوَ جايبه؟
هزت راسها أي تضحك
- والله الصرااحه؟ هنيالچ بي.
ابتسمت اباوعلها لبست الكعب وياه شعري خلته مفتوح على طولن وسوته ويي صار يوصل الحد خصري ضليت اباوع على نفسي مبتسمه حييل فرحانه بنفس الوقت فضولي ذبحني أعرف شنو سبب هذا كله بعديين يلا طخت براسي هذا عربووون صلح
سمعت صوت الهورن مال سياره غهيب
هُذال: هسه اجيب الحساب.
- كلشي مدفوع حبيبتي.
طلعت من الباب غهيب واكف يم سيارته.
منزل راسه يمسح بلبنطرون مالته مبدل قميص رسمي ماروني وبنطرون اسود ضحكت من شفته مطقم وياي
رفع راسه من سمع صوت طكه كعبي ابتسمت اباوعله انزل من الدرج اريد بس اوصله وهو عيونه أكلتني من فوك ليجوا تقدم واكف يم اخر بايه قبل لا اوصل يمه مد ايده ألي ضحكت وحطيتها بأيده ينزلني من الدرج حطيت عيوني بعيونه
هُذال: حلوو؟
غهيب: يكهرب.
: أنتَ سريع الأشتعال.
: هلضيم كله وسريع الأشتعال أنا؟
فتحلي الباب مالتي واني صافه شجاي يصير ما ادري صعد مبتسم وكلساع يباوع عليه
حچيت اضحك
هُذال: غهيب هناك باوع راح نندعم؟
غهيب: ندعم گلبي من مساع.
درت وجهي للجامه مبتسمه كلبي يدك سريييع طبك كبال مطعم نزل فتحلي الباب واخذ أيدي
هذال: وين.
غهيب: أمشي وياي وانتِ شاده عيونچ.
شبك اصابعي بين اصابع اديه الحَمد الله وي الكعب واصله النص وربع كتفه يعني فوك النص بشويه وجوه الكتف بشويه.
دخلنه للمطعم الضوه طافي شدد لزمته غهيب على ايدي وصلنه الوسط المطعم
اشتغل الضوه وبنفس اللحضه صارت تنزل طگطاكات { سألت الفراشات بقناة التلي وكالن اسمها طكطاكات هنه نفسهن ذني اليطكن وينزلن قصاصات الوان }
فتحت عيوني على كبرهن
أشوف الكل موجود خالو حامد، نور، اسينات، منار، سبأ، خالتي سعاد، سلار، وخاله آيات، سفانه، رسل، خاله غهيب، حيذم، مُهاف كلهم كلهمم وكيكه چبيره بلوسط عليها عمري الجديد 21 وجواها مكتوب.
عيد ميلاد سَعيد مَلسونتي
الكل يصفك ويضحك على ملامح وجهي المبين بيهن الصدمه عييد ميلادي! حتى اني ناسييه ونبي! التفتت على غهيب بصفي عيوني انترست دموع حيييل فرحاانه
ماتحملت بسرعه نزلن دموعي احچي بزعل
هذال: غَهيييييب.
غهيب: كلبه أنتِ گلبه ودرابينه.
ضحك واني من كد الفرحه عبرت اديه على ركبته حاضنته وهو لف ايده على خصري فرحاان الفرحتي.
ابتعدت منه وهوَ باوع لعيوني يضحك عليه اول مره أبچي على شي غير الحزن والإلم اول مره يشوف دموع الفرح بعيني مد ايده يمسح دموعي
غَهيب: نعلعله لاتبچين المكياج دفعت عليه دم گلبي.
ضربته على صدره بخفه اضحك وامسح بدموعي حته نسيت الموجودين عبالك دا اشوف بس غهيب كداني بس الأنسان اليحب يشوف الفرحه على وجهي دائماً
التفتت عليهم كلهم متونسين ويصفكون
الكل: تمنيييي امنيه بسرعه وطفي الشموع.
غمضت عيوني وتمنيت ربي ميحرمني من كل هاي الناس الموجوده ولا يشوفني مكروه بيهم
طفيت الشموع وكلهم صفكو سفانه واسينات رافعات تليفوناتهن يصورن
غَهيب: نونو.
الكل التفت يباوعله اول مره يكول
هذا الاسم كدامهم وهوَ ما اهتم الهم كمل كلامه
: كصي الكيكه حبيبي.
هُذال: تعال وياي.
تقدم وكف بصفي كصينه الكيكه سوه الكل فرحان تقدمت على خالتي حضنتها حييل وهمات منار وسبأ وحنان خاله غهيب
ونور اسينات
وكفت يم سلار.
هُذال: شلون جبتهن!
: أذا على حساب فرحتچ بشوفتهن اشردهن.
ضحكت اباوعله وهوَ ميحط عينه بعيني اباوع على الكل بفرح عيوني مدمعه شكد فرحت بهذا اليوم أهل غهيب صايرين ألي اهل ومعوضيني على اهلي اتذكر قبل 3 سنين بهيچ وقت اهلي سوولي هاي المفاجئة وهسه أهل غَهيب.
مُهاف وسلار وحيذم طابكين على صفحه يسولفون مندمجين وخاله ايات وحنان وسعاد سوه اسينات وسفانه ورسل ونور يصورن رحت الخالو بصفه واكف غفار خطيب سفانه خالو باسني من راسي فرحان
حامد: عينه الخالچ أنتِ.
هُذال: فدوه اروح الك والعينك.
وكفت يم غهيب ومديت ايدي بتجاهة
غهيب: ها؟
هُذال: هديتي هديتيي؟
رفع حواجبه يباوعلي
: بس مكياجج والفستان 400 هاهيَ ترا؟
: نسيت اني متزوجتك علمود فلوسك وبيوتك وسياراتك ومحلااااتك؟
ضحك ودنك رجع رفع راسه اليه
اشر الواحد واكف يم باب المطعم دخل شايل بوكيه ورد احمر چبيييره حيل وبوسطها احدث تليفون نازل اصدار جديد
اخذها منه وقدمها بأتجاهي
هُذال: اويي فدوه.
غهيب: ألي لو للبوكيه؟
: ثنينكم.
: لا مطوره.
ضحكت واخذتها منه الكل يباوع علينه اشرلي اقرب راسي عليه حطيت اذني يم شفايفه وهوَ همس بصوت خافت
: هديتچ الثانيه بلبيت.
ابتعد وغمزلي وطبعاً هُذال بهيچ مواقف شراح تسوي؟
نعم نعم تسوي نفسها عميه وطرشه وكلشي ماسمعت وكلشي ما شافت ركضن البنات عليه بس غهيب وخر مني
اسينات: الفستااااننن يجننننن.
سفانه: المكياجج يموووتتت.
رسل: طالعه تخبلييننن.
سبأ: عزززا هُذال تجننيننن.
منار: كلشي بيچ طالع حلو والله.
هُذال: فدووه ونبييي احبكمم.
ضحكن كلهن واني ما أعرف اعبر على اي شي كلواحد طلع هديته وكام يشمرها عليه تقرب مُهاف واني من كل عقلي كتله
هُذال: شلون صرت مُهاف؟
ما اسمع ألى خاله ايات ومهاف وسفانه ضحكهم شعلوه
نزل راسه مُهاف يضحك ورجع رفعه
مُهاف: كلشي چذب بابا هذا رجلج وصينا يچذب چذبه زينه مطلع الف سالفه.
واحنه دا نحچي دخل سكندر شايل هندس لابسه بدله
سنكدر: تأخرنه بس عادي اهم شي بقه كيك.
سلم عليهم كلهم واني باوعت الغهيب وباوعت المهاف
هُذال: يعني حتى العشه مال سكندر چذب؟
هز راسه اي باوعت الغهيب يسولف وي سكندر.
هزيت راسي خوش نزل هندس من حضنه اجتي تركض على مُهاف شالها يبوس بيها
افترت علينه بلسره تبوس بينه اخر شي رجعت حضنت غهيب همست قريب على منار
هُذال: ادري هندس ضرتي واني ما ادري شدعوه هلكد تركض على غَهيب.
منار: ياا هُذال تغارين من بنيه صغيره لا لا ماتوقعتچ.
: هسه اني كايله اغار.
: لا شوكت كايلين.
نور: الكل ملتهي بلعيد ميلاد مال هُذال تقرب حيذم واكف بصفي وهمس
حيذم: غزاله.
نور: ها.
حيذم: شلونچ.
باوعت أله ورجعت باوعت ليكدام
نور: زينه أنتَ شلونك؟
: من شفتچ صرت كلش زين.
نزلت راسي وكتله
نور: اليوم أحد عندك خفر شعحب اجيت؟
باوعلي وأبتسم ورجع باوع ليكدام
حيذم: هوَ أنا ما اصدك عذر يجبني ويخليني اشوف وجهج.
بعدني ما راده عليه وصاحه سكندر همس بصوت ناصي
حيذم: نعلعله والديك.
نور: روح.
هز راسه اي وراح يمهم حضنه سكندر حيل
يمكن يعرفه من زماان
كل ما ارفع راسه اله اشوفه يباوعلي الحد ما رحنه.
منار:.
بنص الأحتفال وصلتني رساله همات من رقم مجهول جديد كاتب بي
- أنتَ صاحب العيد ميلاد أنتَ المنور بينهم.
رفعت راسي اباوع على الكل واركز منو البيده تليفون ويدز ووراها دز
- فدوه اروح الهاي العيون التدور عليه.
- لاتخافين متلكيني.
استغفرت ربي متوتره صارت امنيتي أعرف منو هذا وليش أي مكان اروحله يدزلي رساله عبالك هو كاعد كبالي وجاي يشوف كلشي
منار: بس اريد أعرف اني شنو بلنسبه ألك لدرجه هلكد مركز وياي!
دزيتها جسمي كله يرجف ماطول ثواني ورد
- شريان گلبي انتِ.
والله العضيم لو ما اخلاقي لازمتني اله اكله نعلعله كلبك حضرته وكلبت وجهي كله عيشني بقلق بين ناسي خلاني اشك بلكل
مسحت وجهي وهم وصلت رساله من حساب جديد
- هاي الضوجه كلها لأن حاچيتچ؟
منار: منوو أنتَ!
- بدون لا تعرفيني وهيچ ضايجه مني لعد لو تعرفيني شتسوين؟
منار: انيي شايفتك؟! اني حاچيه ويااك؟!
- شايفتني بس اني حاچي وياچ مو أنتِ حاچيه وياي.
منار: الحد الأن اني ساكته وما كايله الأخويه عليك ليش تخليني احلف بعد بس تدز اكله عليك!
- قصدچ سلار؟ يلا كوليله.
حتى سلارر يعرررفه! حضرته ايدي بسرعه بينت عليها الرجفه مسحت وجهي ضليت لازمه گلبي بأيدي اخاف نرجع ونلكه بابا جاي الى يسوي يوم اسود اذا عرف احنه وي سلار طالعين.
ماطولنه ورجعنه للبيت لكينه نيار واكف بلباب بس فتنه منه اجت عينه على سبأ وهيه نزلت راسها ومشت دخلنه جوه وهوه بقه واكف يم سلار دخلت سبأ واني بقيت واكفه يم الباب
اسمع صوت ضرب سلار النيار
يحچي سلار محترگ گلبه
سلار: افكس عينك طاايح الحظظ.
نيار: افكسهااا يلا افكسهااا لا بلحلال تقبل اباوع الها ولا بلحرام تعبتني يااابشر والله تعبتنيي.
سلار: نيارر روح لاتخليني اجررم بيك.
نيار: سلارر ترا طلعتها من ماعونها بلحسين اخطفها واخذها واشردد اذا متنطيني ياها تعبتني والله تعبتني.
ضربه سلار كلبه مفرفح يحچي
سلار: كتلككك صغيييره ليشش تللحح شايفنييي ناوي انطيهاا هسه؟ لااا لا الك ولا الغيرك.
عفتهم وطبيت جوه اركض بدلت بسرعه مامرت ساعه ودخل سلار عيونه براسه
سلار: سبببأ.
فزت سبأ تباوعلي وترجع تباوع السلار
وهو اشر يحچي وياها
سلار: ترديين هذاا النعال ترديينه؟! هاا ترديينه؟
سبأ انخلست واني حچيت وياه بهدوء
منار: اي تريده، ليش معصب أنتَ؟
فتح عيونه يباوعلي
: تريييده؟!
: أي، شبيك سلار هاي عود أنتَ المتفهم عليمن هاي العصبيه؟
سلار: سبأ حاچيني أنتِ تردينه هاا؟
ما أدري سبأ منين جابت القوه هزت راسها اي.