رواية أغلال زمن الغيهب للكاتبة مرمر الدليمي الفصل الرابع عشر
سفانه:
صار فتره من داومت مرحله ثانيه ماشي الدوام طبيعي كاعده على المصطبه رفعت راسي مبتسمه مشفت ضل صار فوكاي عبالي مهاف لان كل مره يجيني للجامعه اضرب المحاضرات واطلع وياه ناكل ونرجع للبيت سوه
رجعت ملامح وجهه طبيعيه من شفته مو هو وهذا ليث ممثل الدفعه واكف كدامي مبتسم شتت نظره مني وتحمحم
ليث: السلام عليكم
سفانه: وعليكم السلام اهلا تفضل؟
- اكدر اكعد يمچ؟
- اذا متصير زحمه احچي وانتَ واكف ما اريد تنوخذ علينه نظره غلط؟
دار وجهة يباوع للطلاب اليمشون يمسح على شاربه وهمس
- نحلل النضره.
- عفواً؟
رجع نضره ألي وأردف
- ما أحب الف وادور وياچ سفانه اني كُلش معجل بأخلاقچ وسلوبچ وأذا ماكو مانع اريد رقم والدچ.
ضليت صافنه بوجهة أماني صديقتي شكد چانت تحچيلي عليه وچانو بعلاقه من المرحله الأولى اخر شي بدون مقدمات كايل الها مااريدچ مااعرف شدخلني وليش حچيت كبل كتله.
سفانه: ليش أماني شبيها؟
تفاجئ عباله ما أدري لان علاقتي سطحيه وي الكل لذلك معباله أعرفها لأماني دار وجهة مسحه وستغفر رجع باوعلي
ليث: مارايدها رايدچ الچ.
- اقدر مشاعرك إلى بس افضل هلموضوع بعد مينفتح.
- سفانه...
- أترجاك ليث.
هز راسه
- تمام على راحتچ بس خلي ببالچ ابد مراح اعوفچ.
- تعوفني هذا الشي راجعلك اما اني فما عندي شي وياك علمود اعوفك وانصحك ما تطول بالموضوع لان قراري نفسه.
لميت ملازمي ضايجه ابو الوعود والهدايه هسه صاير ميريد أماني من خلاها تتعلق بي لدرجه من كايلها مااريدچ سبوع هيه ممداومه مدمره نفسيتها
رفعت راسي أريد اكوم والم بشعري وره أذني اماني واكفه ونضرها علينه وعيونها كلها دموع دارت وجهها وراحت
لحكت بيها أمشي واصيح بأسمها ابد مترد لزمتها من كتفها صدت عليه خازرتني نترت أيدي منها وعاطت بوجهي
أماني: عوفييينيي.
بنص الجامعه والطلاب كلها تباوع عفتها براحتها فوك ما اني ممسويه شي ابرر؟
ثاني يوم داومت عدنه كوز امتحان دكتور غفار الكل داخل قبل المحاضره لأن ما يدخل احد وراه قبل المحاضره كُلنه كاعدين اماني كاعده كدامي التفتت على وكالت بلطف
أماني: سفانه عادي تكعدين بمكاني متضايقه؟
سفانه: تمام.
ما حاچيتها وكمت كعدت بمكانها رجع عقلها الراسها اعتقد لان من صدك مالي دخل اني بيهم دخل دكتور غفار سلم وردينا السلام وزع الاوراق وبدينا نمتحن القاعه هدوء
كسر الصمت صوت اماني من كالت
: دكتور عادي تغير مكاني؟
دكتور غفار: السبب؟
: سفانه كاتبه على الستيج مالتها غش واني كلساع جاي توكع عيني عليه.
فتحت عيوني بصدمه شلت الورقه مالتي واشوف الستيچ كل الاجوبه عليه مكتوبه هذه مكانها! هيه كاتبتهم!
تقدم أستاذ غفار أخذ ورقتي عاكد حاجبه يباوع على الستيج مالتي أشر على الباب
غفار: تفضلي بره سفانه.
سفانه: دكتوور...
غمض عيونه منزعج قاطعني حتى قبل لا اكمل
غفار: سفانه تفضليي بره.
خجلت حيييل متفشله كدام الطلاب الدمعه وكفت بطرف عيني قبل لا اطلع
الدكتور كال
: الظاهر درجاتچ وتفوقچ كلها غش اذاً.
طلعت اركض من القاعه ابچي عيوني مغوشات من الدموع دنكت امسح دموعي وامشي بسرعه اريد اطلع للبيت انضربت بواحد بدون لا ارفع راسي امسح بدموعي
سفانه: اعتذر.
كملت مشي دموعي ما راضيات يوكفن انسحبت من ايدي راجعه لنفس المكان
: سفانه.
رفعت راسي أله أشهك وابچي فتح عيونه قلقان
سلار: هُذال بيها شيي؟
هزيت راسي لا ابچي سحبني على صفحه فتحلي بطل المي انطانيه كاعد بصفي على المصطبه ساكت ما يباوعلي يباوع غير جهه ومن هدئت كال.
سلار: شبيچ؟
سفانه: الدكتور صفرني بلامتحان.
- ليش.
- شاف غش على الستيج مالتي.
- أي؟
- مو أني كاتبته
حطيت أديه على عيوني ورجعت ابچي اقوى من مساع ضرب على رجله مكور ايده يحچي بصوت ناصي متعصب
- هسه غييير تعوف المناحه وتسولفلي.!
مسحت وجهي اهدي بروحي وحچيت بكل غباء.
- اكو شخص وياي اعترفلي هوَ ممثل الدفعه وطلب رقم اهلي بس هو چان بعلاقه وي بنيه وعافها فجأه بدون سبب ف اني رفضته وعفته ومشيت لكيت البنيه تباوعلي من چنا نحچي
البنيه الچانت وياه بعلاقه رحت وراها دفعتني واليوم عندنه كوز استاذ غفار وقبل لا يدخل كالتلي تعالي اكعدي بمكاني ومن دخل الدكتور هي كالتله سفانه دغش.
رجعت ابچي حيل وهو وكف كدامي ميباوعلي
سلار: امشي.
سفانه: شنو وين.
- امشي ومالچ دخل.
مشيت وراه دك باب القاعه ودخل واني بقيت واكفه مدخلت بس الباب مفتوح استاذ غفار بس شاف سلار أبتسم فتحت حلكي مصدومه شلون فات كبل شلون بدال ما الدكتور يخزره أبتسم وفتحله أيده.
تحاضنو بنص القاعه وضلو واحد يهمس بأذن الثاني ضحك الدكتور ودك على ضهر سلار، أشرلي سلار أدخلي دخلت وكفت يمه وليث بسرعه رفع نضره ألي
سلار: دكتور بلا زحمه عليك سفانه وين چانت كاعده.
رفع حواجبه غفار متفاجئ من سلار رفع أصابعه ثنينهم واشر على مكان اماني الخلتني اكعد بي قبل ليدخل.
غفار: هنا.
سلار: لا، قبل لتدخل.
- ما أعرف الأعرفه غشت ومع الأسف چانت من افضل طلابي.
سلار: شويه شويه ووحده وحده، أسئل قبل لاتجي بثواني سفانه وين كاعده.
عكد حاجبه غفار وسلار مبين علاقته حيل قويه بي لذلك ماخذ راحته كوم غفار طالبه كالتله بمكاني اللي كاعده بيه اماني.
وقبل لا احچي حچه سلار، اكو خلاف بين الطالبتين وقبل لا تدخل سفانه كاتبه زميلتها على الستيج الغش ومن اجت خلت سفانه تكعد بي اذاً هسه منو الغاش؟
وجه نظره غفار الاماني وهي بسرعه ردت
اماني: اني مالي دخل انا ما كاتبه.
سفانه: دكتور تكدر تشوف الخط.
علي سلار وهز راسه اي تقدم غفار يباوع لورقتها وللستيج مالتها خزرها حيل
: كومي اماني، طلعي بره.
اماني: بس...
عاط بصوتي بنص القاعه: طلعيي بره ولاتدخلين أي محاضره إلى منا لسبوع.
خزرتني وطلعت متعصبه
سلار: تعيدين الأمتحان باجر لو تمتحنين وياهم؟
فتحت عيوني على وسعهم متفاجئه يقرر بكيفه واستاذ غفار أبد ميعترض على حچيه القاعه كلها عايفه الامتحان وصافنين على علاقه سلار وغفار
همست السلار: هسه.
التفت على سلار وأشرله كعدت بمكاني القديم انطاني ورقتي غفار وكال كدام الطلاب كلها
غفار: أعتذر منچ سفانه المفروض اسمع منچ.
اني مو انصدمت لا ظليت اكرص بروحي عبالي حلم دخلت امتحنت وسلام راح من طلعت عبالي اشوف سلار واتشكره ما شفته
ضليت اداوم وابد ما شفت سلار بس إلى اعرفه هو يداوم بنفس جامعتي استاذ غفار صاير اغلب نظرات على وافتهمت سببها من كالي من تفرغين مري على المكتبيه رايدچ بموضوع خاص ومهم.
ظليت اتهرب منه وبالمحاضره مالته اسوي نفسي مشغوله وما اباوعله ابد لحد ما بيوم شفته واكف هو وسلار انجبرت اروح على مود اتشكر منه والفرحه الچبيره من غفار ما منتبه إلى دك على كتف سلار وراح
حطيت شعر وراء ظهري سلار انتبه على وصلت يمه
سفانه: سلام عليكم.
سلار: وعليكم السلام اهلاً سفانه.
- اهلا بيك بس حبيت اشكرك ذاك اليوم طلعت ما لكيتك
- على شنو؟
نزلت راسي أخلي شعري وره اذني
- لان دخلتني للأمتحان.
- ولو هاي سهله.
- لا والله العفو منك بس اذا سالفه بيها استاذ غفار مو سهله.
ابتسم ميباوعلي أبدد لو يباوع على الطلاب لو يباوع الغير جهة أبد ميرفع عينه ألي رتب الملازم بايده
- الاهل شلونهم؟
- الحَمد الله بخير، انتَ شلونك.
هز راسه اي
- الحمد الله.
راد يحچي واني
باوعت كدامي من شفت استاذ غفار جاي بأتجاهنه بسرعه شلت الملازم كلت السلار
- يلا اني استاذن.
قبل لا يرد عفته ومشيت عضيت شفتي حيييل من استاذ غفار صاح
: سفانه.
صديت على بابتسامه مصطنعه وكلت من مكاني
: اهلاً دكتور من رخصتك عندي محاضره تاخرت.
شفت نضرات سلار يباوع بشك
بسرعه عفتهم ومشيت اخذت نفس براحه.
هُذال:
بيوم عطله عزمتنه خاله غهيب يمها اخذت حبايه سفر لان ادوخ من الطريق من بغداد للبصره حتى خالو وسميحه عزمتهم رحنه أني وغهيب وامه وسفانه بسيارته
ومُهاف وخالو وسميحه واسينات ونور بسياره مُهاف لأن چبيره.
أتصل سلار على غَهيب رد عليه يحچي وياه.
: أي، الحَمد الله بخير، انتَ شلونك، تمام.
أنطاني جهازه اخذته منها
هُذال: هلاو سلار.
سلار: هلا يُبا شلونچ.
- الحَمد الله زينه انتَ شلونك.
- بخير ونعمه.
- البنات يمك أحچي وياهم شويه؟
سكت شويه ورد، عازل من زمان انه.
- ليش؟
- بعدين أكُلچ ليش ومن اروح للبيت اتصل عليچ.
- تمام مو تنسى.
- أبد.
- هُذال.
- ها.
- من ترجعون اريد أكلچ شي.
- عندي فكره؟ ليش متجيب البنات بلبيت مالتك واخلي غَهيب يجيبنه عليكم؟
باوعت الغهيب هز راسه أي
- بعد احسن.
- تمام لعد اخذ راحتك.
- كل الهلا.
الطريق حيل طويل غفيت وعلى ماوصلنا اذن طبينه ببستان طويل وكله اشجار ونهايته بيت چبير دخلنه جوه طلع لنا رجال چبير بالعمر رجل حنان خالته غهيب تسالمو كلهم عليه طبيغي الا ويا غهيب چان مبين واحد مطايقه الثاني.
بسرعه بدلنا وصلينا حتى كلشي مامفتهمه كمنه كلنا نساعد بالعشاء وي خالت غَهيب وكفت بالمطبخ وبدينا ننقل بالاكل نور كدامي شايله كاسه المي والكلاص دخل شاب من الصاله مبتسم ابتسمت حنان
حنان: اجه حيذم.
رفع راسه النه مبتسم بسرعه صارت انضاره على نور لان هو كدامها واحنه وراها وهيه بس شافته فتحت عيونها بصدمه وكعت الكاسه مال مي من ايدها رجفت شفايفها جسمها كله يرجف وهو جمدت ملامحه صافن عليها كأنما يذكر شي ركضت سمحيه النور وهي بس مبحلكه عيونها على حيذم وهوه ابد ما بعد نظره منها واكف بمكانه.
هزتها سميحه تحچي وياها فاصله وهيه بسرعه ركزت وياهم تردد
سفانه: ما بيه شي ما بيه شي.
عافتنا وركضت للمطبخ حيذم دخل سلم علينه باوعت الهم محد منتبه رحت ورا نور لكيتها واكفه وجهها كله مي فاتحه بدايه دكم القميص اجر هوه وكفت يمها اهف عليها
هُذال: اهدئي تنفسي نور باعيلي اني يمچ نور باوعي.
بچت تباوع بوجهي وشمرت نفسها حاضنتني سكتت متفاجئه اطبطب على ظهرها والف فكره براسي وسؤال دخلت سفانه وهي بسرعه ابتعدت مبتسمه بوجهي وحچت
نور: هههه الولد يشبه عمو ابو هُذال الله يرحمه لذلك من شفته تأثرت.
سفانه: ياعمري الله يرحمه.
ضليت اباوع الها بتركيز اصلا ولا يمه ولا يشبه بابا سكتت متاكده اكو شي بس غلست
تعشينه كلنا سوا وخالتي ايات طايره لان يم حنان ومندمجات يسولفن نور حاطه عينها بالسفره حتى ما تشارك بالحديث الخاشوكه ترجف بأيدها متاكل وحيذم ابد ما طاحت عينه منها ابو حيذم احسه كاعد على اعصابه كالتله سفانه بعفويه
سفانه: ياا غهيب هستوني انتبه ألك شعرك نصه شيب.
بسرعه رديت عليها اني.
هُذال: ايي حته بطرف حاجبه المطبور أكو شيبه.
عضيت على شفتي من غَهيب باوعلي دنكت اكمل اكل متفشله.
ابو حيذم: طبيعي أكو شيب يطلع بلشعر من وره الصياح والعصبيه واكو البعض من وره الامراض النفسيه.
باوعت الأيد غَهيب مكورها يفتحها حيل ويسدها باوعت الهم كلهم يباعون الغهيب بخوف ومُهاف رد
مُهاف: لعد هاي شيباتك مو من كبرك؟
ضليت اباوع الهم ما فاهمه وسفانه تاشرلي بعيونها على ايد غهيب اللي عركت وكل دماراتها برزت بلعت ريك كلشي ممفتهمه شلت ايدي بتردد امسح على ايد غَهيب المكورها امسح ب ابهمي بهدوء
نتر ايده مني حيل حتى ايدي وجعتني باوعت السفانه حتى اكل وكفت من كام غهيب للمطبخ خاله ايات وجنان واحده صافنه بوجهه الثانيه.
سفانه ساكته عيونها على المطبخ ونور الخاشوكه ترجف بايدها سميحه ولا مهتمه ولا منتبهه لا هي ولا خالو ولا اسينات وحتى مهاف رجع طبيعي رجعوا كلهم ياكلون فات غريب وبوجهه للغرفه فوك حتى ما شرب چاي شلنه السفره و جنان تباوع الزوجها بعتب
هسه غير افهم شكو؟
غسلنا المواعين سوا ونور ابد مو على بعضها صبينه چاي كعدو يشربون صبيت الغهيب وكمت اريد اوديله وافهم منه السالفه قبل لا اصعد للدرج صاحت خالتي ايات
: اماسيل.
: ها خاله.
ابتسمت بوجهي: لا توديله ما يريد هسه.
حطت جنان ايدها على ايد ايات وكالتل
: وديله يريد.
باوعت لاختها وهزت راسها عفتهم صعدت فوك افتح باب الغرف واخر واحد مقفول يعني هو بيها دكيتها اكثر من مره ما رد
هُذال: غهيب.
غَهيب: عوفنيني.
عكدت حاجبي هذول شبيهم نزلت جوه مستهضمه اول شي دفع ايدي وهسه احچي ميجاوب وينتر بيه
: ما يريد.
سكتو كلهم ابو حيذم يحجي وي خالو حامد وام غهيب وام حيذم يحچون وي سميحه نور ساكته وبس خلصت جاي كالت اريد انام اخذتها جنان للغرفه وعيون حيذم عليها رجعت سفانه ومهاف يلعبون لعبه مشتركه رحت العب وياهم اني واسينات نلعب محيبس
مُهاف وحيذم فريق وأحنه كلساع وحده تدخل بديل اسينات وسفانه بسرعه يطلعن المحبس منهم وانا كل ما اختار غلط اسينات ومهاف يتناكرون لان كلساعه تاخذه منهم.
صار الدور إلى واني اطلع المحبس كدامي اربع ايدين كبل باوعت الايد مُهاف اريد اكول بهاي اسينات بكفوف أديها حضنت ايد مُهاف كورتهم عليها بدون لانتنبه كل بالها وياي تحچي منفعله
اسينات: بس لاتباعين الهاي مو هناا اختاري غييرر شيي.
ضلت لازمه أيد مُهاف بثنين أديها ومهاف ببدال مايكلها ماعليچ ويدافع علمود لايخسرون ساكت كرصتني سفانه تاشر على مهاف ساكت ويباوع الاسينات والايدها ورفعت حاجبي
: احم احم.
اشرت على ايد حيذم
هُذال: بهايه.
فتحها طلع بيها المحبس وخرت اسينات ايدها من مهاف مرتاحه
اسينات: الحَمد الله يراد هلهوله.
حيذم: ايدي فكر.
ضحكت سفانه ترد عليه مكيفه
: فكر عليكم موو علينه.
ظلينا هواي نلعب صار وقت متاخر كلنا على باكر نفتر بالبستان ابو حيذم و خالي ومهاف وحيذم بالصاله
و ايات وسميحه وجنان بغرفه
سينات ونور وسفانه بغرفه
واني وغهيب بغرفه
وكفت بالباب زعلانه
هُذال: هاي شنو اريد يمكمم.
اسينات: اش ماما ذاك رجلج روحيله يلا.
ضحكنه كلنه توجهت للغرفه دخلت غهيب ماكو بدلت ملابس مريحه باوعت من الشباك وضع غهيب ابد ما عاجبني
شفته جاي يمشي بنص البستان يبتعد بسرعه لبست فوك ملابسي لان بس بالليل تصير بروده خفيفه طلعت اتمشى بالبستان غهيب بعيد عليه حيل أمشي بسرعه وماواصلته ركضت اريد بس اوصله شعري انثر على كتوفي.
وهو يمشي شكد ابتعد من البيت الجو منا بي بروده ومنا المكان محاوط بشجر وصوت چلاب بعيد وصلت يمه منطيني ضهره حطيت أيدي على كتفه
: غَهيب.
بسرعه التفت عليه وبعد نفسه مثل الفاز وحچه بصوت عالي عينه بلكاع
: لااتلزمينيي!
عكدت حاجبي مفاهمه
: غَهيب؟ شبيك!
حط أيده على اذنه يهز براسه لأ وجهة احمر وعركان رغم الجو بارد
: لاتحچيين لاتحچييين روحي مااريد أذيچ روحي.
رجف جسمي خايفه ال لحضنه عبالي
غَهيب هذه طنطل!
بلعت ريك خايفه عصرت القمصله بأيدي وصديت وره أريد أركض
فزيت من دك مبايل غَهيب بجيبه أخذت نفس براحه هذه غَهيب!
شمر الجهاز بلكاع بأيده يسد أذنه حيل باوعت ع الاسم جنان بسرعه رديت عليها
جنان: الو غَهيب!
: ها خاله اني هُذال
- غَهيب غهيبب وين
- هذه يمي بس حيل متعصب وساد أذنه حته ميريد يحچي وياي؟
حچت بلهفه: اسمعيني هُذال أبتعدي عنه من يعصب ميشوف كدامه يشوفج الشخص العصبه.
- شنووو!
- سوي الكتلج علييه هذالل.
سديته باوعت الغهيب حاضن راسه بأديه مغمض بكل حيله تقربت يمه بهدوء اريد اكعده دفعني حيل للكاع حته شوكات فاتت بأيدي عطت متألمه وهو سد أذنه ضاغط على اسنانه يهمس بصوت ناصي
غَهيب: لا لاا روحي.
حطيت أيدي على حلكي ابچي بدون صوت من الوجع وكأنما مو غَهيب كبالي شخص ثانيي كمت بثكل وكفت كدامه ما أعرف شلون اجت الفكره براسي ذبيت القمصله محد موجود بلعت ريك عبرت أديه حاضنته وهوَ تسودن يدفعني حيل لازم كتوفي ضاغط عليهن
: أشش غهيب، غهيب
اني هُذال شوف هاي شامتي
هاي شامتي غهيب.
امسح على شعره واحچي وياه واني روحي احسها طلعت وي ضغطت أيده
سند جسمه على جذع نخله تعبان حضنت وجهه بأديه امسح على لحيته.
هُذال: أش اهدء باوعلي اني هُذال.
هز راسه تعبان رجع وجهة اللونه الطبيعي رفع عيونه حمر وشعره مخربط ضل ساعه على نفس الوضع ساند راسه على كتفي مغمض وأني امسح على شعره
كام وكف مدلي أيده كمت مبتسمه وفرحانه حيل كدرت اهدي الجو بارد واجسامنه ترجف وبس ضوه الكمر علينه رفعت راسي اباوع لعيونه بلعت ريك ساكته
وكف قريب عليه حيل رفع أديه يمسح عليهم قربهم الشفته شماهن حييل مغمض وطول يلا باسهم نزلهم يباوعلي.
غَهيب: اذيتج كتلج ابتعدي!
ابتسمت بوجهة
: عادي اني هم بفتره كتلك عوفني ومعفتني وساندتني.
يباوع بكل انحاء وجهي بتركيز باوع الكتفي شويه بي اثر اصابعه مسح عليهم تذكر شي على شاربه مبتسم عيونه بعيوني
غهيب: تهديني بشامتج هُذال؟
رفعت كتافي ما أدري
: مااعرف طريقه تهدي بيها غير هايَ.
شهگت فازه من انرفعت من الكاع كتفي صار بوجهة نزل راسه حط خشمه عليها يحرك بي وأني جسمي سرت رجفه بي كطعت النفس
هُذال: غَهيب.
غَهيب: هدوئه انتِ ملسونته.
: شبيك.
: وهمَ بعد تسأل شبيه أذيتها وتكلي عادي وتبتسم وهيه الريشه أذا طختها تضل توجعها وتكلي عادي.
غمضت عيني من باس كتفي حيل نغزات شاربه عليه حاوطت أديني ركبته متعلكه بي
حضني حيل يحرك بخمشه على شامتي يحچي كوه
غَهيب: يصير تدفنيني هنا.
هُذال: أذا ادفنك منو يضلي.
- مدفون بيچ عايش وياچ.
ابتعدت منه مسحت على حاجبه المطبور مشيت ايدي على طوله وهمست
: أبو طبره.
جر نفس طويل فتح يباوعلي.
: شعرچ تعبني.
: شبي؟
: كل ثانيه يشمره الهوى على خصرج عليه لاحكني.
أرتبكت حيل نزلت اديه منه اتحمحم
: خل نروح.
: ادخلي أنتِ اني باقي هنا.
: تنام كبال كتفي؟
نزل راسه مبتسم ورفعه
: صايره هينوب أم الرشاشات.
: هيه شامه عاديه بس انتَ تشوفها حيل حلوه مابيهى معنى حته بعدين ميستاهل ستاذ خزره وابو طبره؟
: انتِ شتكولين؟
: يلا عادي هلمره.
ضحك ومشه وياي للبيت شال القمصله لبسنياها اول مادخلنه صار بوجهنه ايات و جنان وجوهم صفر من شافنه نضحك وحده التفتت على الثانيه مبحلكات بعيون بعض.
كالهم غَهيب
: بعدكم منايمين؟
هزن راسهن غهيب مشه كدامي كالتلي خالته
جنان: شسويتيله شلون هددءء!
هُذال: ألي المفروض اسوي.
عفتهم ومشيت وره غَهيب.
نور:
ما نايمه وبس اتكلب وكل ما اتذكر الموقف كلبي تزيد دكاته واعيش نفس الشعور الخوف، الرهبه، الضعف، الخنكه.
حاطه ايدي على حلكه كاتمه صوت بچي كومه قريت ادعيه بالليل كلش عطشت وافضل اموت عطشانه ولا اروح وحدي
دغيت اسينات بكتفها
نور: اسينات عطشانه.
دغت اسينات سفانه بكتفها
أسينات: سفانه نور عطشانه.
دغت سفانه نور بكتفها
سفانه: نور عطشانه.
عطت بيهم
نور: شبيجننن عطشاانه!
فتحت سفانه تباوعلي
- روحي شربي مي؟
- أستحي ابنهم هناا.
- لا حيذم يطلع هيج وقت روحي.
- كومي وياي عليچ النبي.
- جاي أكُلچ والله مو هنا هيج وقت يلزم خفرر.
اسينات: جيبيلي وياچ.
نور: اجيبلج سم كومي أنتِ.
سفانه: دروحي بس روحي.
هزيت راسي أيَ وكمت مطمنه امشي على اطراف اصابعي رجعت لباب الغرفه گلبي يدك رجعت لفراشي أغطي بنفسي بردانه
سفانه: شو رجعتي.
نور: ماعطشانه.
رجعن غفن وأني ضليت ميته عطش أغمض وافتح عيونه أتخيل عيونه بوجهي مسحت دموعي وكمت أمشي على اطراف اصابعي كلساع اباوع ورايه رجليه يرجفن دخلت للمطبخ صبيت مي بكاسه.
أخذت الكلاص أريد اشربه فوك من كد الخوف أخاف ابقه دقيقه وحدي درت وجهي اريد ارجع وأشوف حيذم واكف كبالي فتحت عيوني على وسعهم جسمي رجف بسرعه فتحت حلكي اريد اصرخ كتم صوتي بأيده الخشنه الصارت على حلكي حتى انفاسي كطعتهم
ساد حلكي وكأنما يكلي عيشي الشعور ثاني مره عيشي بكل حذافيره أخاف نسيتي ذاك وهلمره ماكو الينقذچ مني محد،!
بچيت مختنگه ورجليه ماحملني من الخوف وكعت عليهم وهو نزل وياي فاتح عيونه بعيوني يهمس.
حيذم: أشش.
ايد لازم بيها حلگي وأيد يجر بيه من چتافي متوجه على الباب مال بستان صيحت مختنگه اباوعله واتوسله بعيوني اسحل بنفسي واضرب بأيدي من حلكي ميندفع
حسيت الدنيا وكفت بعيني وخلص انتهت حياتي هنا وكعت بلكاع مااكدر أمشي بعد صد عليه خازرنيي
حيذم: حركييي روحچ شوييي.
اهز براسي لا أبچي روحي طلعت اتذكر ابويه وامي اسينات هُذال.
وأتشهد بكلبي دفعني بره وقفل الباب من بره مال مطبخ جرني حييل من ايدي مبعدنه على البيت أيده على حلگي وأيد لازم بيها كتفي وراي صاير يتلفت.