رواية أغلال زمن الغيهب للكاتبة مرمر الدليمي الفصل الخامس عشر
ادفع بي ميندفع دفعني بره وقفل الباب من بره
حَيذم: اشش نور ما اسويلچ شي بس احچي وياج والله صدكيني.
نور: وخر عوفني اكرهك ابتعد الله يخليك لاتسويلي شي لاتسوييلييي ابووس ايدكك وخرر وخرر
اشهك واحجي وياه صوتي متقطع
حَيذم: مفتهمه الموضوع غلط والقران الكريم غلط بس خليني اوضحلچ اسمعيني بروح الحسين بروح موتاچ نور سمعينيي
نفسي عالي ومركزه بكل كلمه يحجيها
نور: عوفني الله يخليك عوفني والله ما.
احجي لاحد بَس عوفني والله مااكولل حلفتت الله بسس رجعنييي
نمت بلكاع أتوسله گلبي يدك اشهگ واتوسله التراب دخل بحلكي وشعري لازك بوجهي من البچي رفعت راسي أله الدموع تارسه عيوني
خزرني حيل طالعه روحه من شاف وضعي وشلون سحلت نفسي سحل مو مثل ذيچ المره
نتر ضايج
حَيذم: شبيچ شبيچ لخاطر الله شكد تعاندين جاي اكلج مفتهمه النعال غلطط خلينييي امضرطط!
نور: مااا ما عوفني عليك الله عوفني بداعت امك عليك الزهره عوفني.
دار وجهه عاض صبعه حيل فاير دمه:
حَيذم: ميشيلوج الله والزهره ويركعوج بلكاع ولچ بس اسمعي
نور: مااا ما كتلك ما اسمع عوفنيي ارجعع ادريي ادرييي كلشيي ادرييي بس والله مااكول عليك الزهره
حَيذم: دخيلچ يلزهره.
تلفت يمشي كدامي ويرجع أيده على ضهره صد عليه معصب يحچي ببرود
- هاهيه تمام لاتسمعين
- ايي عليك الله رجعني والله كلشيي ماكوول
- ايي ماا تسمعين موو خوش ارد اشوف ياهو اليرجعچ.
فتحت عيوني على وسعهم صوتي تشخط وصيحت فازه ميته بچي
نور: لااا عليك الله لااا احچي بسرعه والله اخاف منك والله
زفر نفَس ضايج هستوه بده يحچي
حَيذم: باعي من يوم إلى النقذتچ بي
صحت محترگ دمي
نور: لااا خطفتني خطفتني
ضرب شجره النبگ بايده حيل حته الورگ طاح وصيح
حَيذم: احچي لولا؟
رجعت ليوره حاضنه أديه الصدري واعيط ابچي من يصرخ
نور: كمل كمل لاتصيح اخاف.
- راح امضرط اذا حچيتي بلعباس اربطج هنا.
حَيذم: انه چنت هناك ببغداد علمود صاحبي چان وياي بل اقسام واجيت ازوره فتت من يم جماعه وشفتهم يأشرون عليچ وملثمين ختلت وره سيارتهم وسمعتهم يكولون هيَ هاي النخطفها اقسم بكلام الله مامچذب عليچ، اتصلت على صديقي خَليته يلهيهم واني سديت حلگج علمود لاتصرخين ودفعتچ لمكان محد بي، من اجو عليج اجه صاحبي العيونه خضر؟ تذكرتي؟
هزيت راسي مبنده بچي
حَيذم: تذكرين شگال؟
نور: كال اجو حَيذم عوفها مالك غرض بيها.
: دفعتج بلفرع الثاني علمود ميشوفوج وطلعت من ظهر الفرع اجيتج اني عبالچ اريد اخطفج شردتي مني بس اني اريد اكلج شردي وداعت أمي بعدين أنتِ غبييه؟ وين أكو شرطه يجون ملثميينن؟ هاا وينن؟ مچذب عليچ انه؟!
بس استمعله وابچي، ضميت السالفه بگلبي وماكدرت احجيها لاي شخص احضن نفسي وانام، ابچي طول هاي السنين والخوف مزروع بكلبي حته للدوام بطلت وكمت ما اروح من وره الخوف، اعيش نفس الشعور بكل ما اتذكره، سنين متوهمه بالنقدني حاسبته خاطفني سنين اني احلم بنفس الشكل ونفس ملامح خوفه من صديقه كله اجو عوفها واني عبالي الشرطه وخايف منهم
واكف كدامي ووره كل كلمه يكولها يقسم بس حته اصدكه كال تعباان
: نور.
شمرت نفسي بحضنه متعلگه برگبته اشهگ وأشكيله بشي عشت أخاف اجيب طاريه
نور: خفت هواااي خفت وماحچيت لأحد ابددد چنت اكعد فازه ابچي والكه هذال لو اسينات فوك راسي يسألوني وانكر، طول هلسنين احلم بشگلك واكعد عايشه كل الخوف، سنوات اني انام ع السجاده خاطر ماتجي عيونك ببالي أغمضض عيونييي اريد بسس انسسه ما أنسسسه
رفع ايده حاضني بنفس قوتي اله ورد بنفس تعبي.
حَيذم: سنين واني اشطب خوف عيونچ مني وخشونه ايدي على ترافتچ وأتذكر من شلت أيدي آثار ايدي حمر على خدودچ، سنين واني أتمسك بلحاضر بخيوط وبيچ بسلاسل.
بچيت هلمرره مو من الخوف من الفرح بچيت لان صبرت وماكلت الشخص وعشت حزني بوحدي وبلإخير طلع هلحزن وهمي
نور: دمرتني انتَ دمرتني حتى دراسه ماكمللتت، شگيت الربي عَليك هوااييي والله هواي.
ابتعدت منه حاسه امسح بوجهيي.
حَيذم: الدعاء يتبدل والله يعرف النيه، بَس رجفتچ اليوم من شفتيني شلون انساها؟
نور: خفت خفت ارجع احبس نفسي ومااكدر ارجع انام بعد خفت . والله خفت.
باوع بعيوني وكال
حَيذم: خفت ما اكدر اشوفچ بعد وتضلين فاهمه الموضوع غلط دعيت بكل يوم أشوفچ هوااااي ترددت جياتي البغداد الخاطر أشوفچ وافهمچ ماا شفتچ طالت خوفتچ.
: مااطلعت ابد سنه ونص اني حابسه نفسي بلبيت ومااطلع.
أبتسم فرحانه.
: الحَمد الله من شفتچ اليوم الحَمد الله.
نور: كالتلي سفانه خفاره ومو بلبيت ونزلت ماعباليي انتَ هناا حسبي الله من 12 عطشانه وهسه ب 2: 30 حته عشه ماتعشيت من الخوف.
حَيذم: صح عندي بَس مارحت كلت حتى لو صدك أخطفها وافهمها السالفه وهاهيَ
خزرته: ايي موجديده علييك.
ضحك حييل
: هوَ هسه بطلاع الروح يلا سمعتيي ماا و ماا صدك ردت اربطج.
نور: اني عرفتك من وجهك مامتغير، انتَ شلون عرفتني واني متغيره جذرياً حيييل چنت صغيره بوقتها؟
شال ايده وأشر على جوه عينه بسانتي صغير
حَيدم: من الشامه الجوه عينچ وبياضچ.
{ مدري شعدهم ويه الشامات }
نور: هستوني اريد احچي سمعت الباب جاي ينفتح
فتحت عيوني وبسرعه لبدت بسد حيذم، جرني وراه لازم أيدي يمشي على كيفه بسرعه
دار عليه يحچي بسرعه بصوت ناصي
حيذم: لاتنامين شويه وأجيي.
دفعني كدام الباب الثاني خلفي، فتحته وفتت بسرعه گلبي يدك دخلت جوه صبيت كلاص مي وشربته غمضت عيوني مرتاحه مبتسمه
صعدت فوك جبت جهازي وكعدت بقيت كاعده انتظره ب الساعه حييل نعست حطيت راسي على الطاوله رفعت راسي من انفتح الباب بهدوء بأيده صينيه سفري رفعها مبتسم يباوعلي حطها كبالي رفعت حواجبي
نور: هاي شنو؟
حيذم: عربون صلح، شنو غير اكل؟ مو ما اكلتي بلعشه من ورايه؟
: همزين والله ميته جووع عندك حساس الخطاف.
أبتسم منزل راسه
: الف عافيه.
: الله يعافيك.
فتحت العلاكه وطلعت الأكل وهوَ بعده واكف
نور: ها؟
حيذم: ها؟
: شنو؟
: ماكوو تفضلل؟
كلبت عيوني
: تفضل عمي.
كعد كدامي وبدينه ناكل وكفت اكل اباوع عليه
رفع راسه
: ها؟
: شي غريب، قبل اقل الساعتين أني افضل اموت ولا احچي وياك وابقى بهلبيت وهسه كاعدين ناكل وثنينه مرتاحين.
رجع ياكل مامهتم
: أخطفچ اخطفچ بس مو هسه.
: حييذم.
: هههههههه كملي كملي راحن ثمن ألاف مال دوام و15 الف مال عشه هاي بدايتها خساره.
خلصنه أكل وصعدت دخلت بفراشي وغمضت عيوني، هاي اول مره انام براحه بدون تفكير
في مكان آخر
سبأ: نيار كتلك روح
نيار: ما اروح الى اخذ كلمه منج!
سبأ: كتلك لا يعنيي لاا متفهم انت!
نيار: وام البنين ما اروح اذا ما اخذ كلمه منچ
سبأ: اذا اجه بابا وشافنه سوه حياخذ غير نظره روح روووحح.
نيار: تعرفين ام البنين ياهي؟ هاا؟ والربت اربع زلم ما اروح قبل ماتنطيني كلمه وسبب
سبأ: مااا اريدك يا اخي افهم مااا اريدك!
أفتر بمكانه يضرب على رجله
نيار: منين اجيت اخوچ بت الفگر انعل يومج ويوم اخوچ
فتحت عيوني حيل محترگه من كلامه
سبأ: اني اعلمك يااحيوان تغلط على سَلار مووو؟ لو تموت ما ارضه بيك لوو تممووتت
نيار: اخذج غصباً ما عليچ
سبأ: اي اييي عود الله كريم.
زفرر نفس ضايج غير نبره صوته لجديه
نيار: سبأ.
تنهدت ساكته
نيار: بس انطيني سبب يخليج مترديني بسس كوليي شنو البيه حاچينيي.
سبأ: ما احب نيار ما احب، انتَ شاب لاعندك مسؤليات ولا عندك شهاده شلون اأمن على مستقبل وياك شلونن افهمنيي
بسرعه كال بدون تفكير
نيار: اقدم خارجي.
صفنت ورجعت كتله
سبأ: اسلوبك بدله ما احب هيچ.
رد منفعل
نيار: ابدله اسلوبي والبس شيله واكعد بلبيت
سبأ: ما اقصد هيج نيااااار
جريت اسمه جر اخر شي غمض عيونه لازم كلبه.
نيار: يا يمه يا بوووويه صواب الصوب كلبك نيار.
سبأ: شبيك
نيار: شو عيديها شسمي بلا
درت وجهي اخفي ابتسامتي اسوي نفسي اباوع ع الطريق خاف يجي بابا رجعت وجهي طبيعي وباوعتله
سبأ: هسه كمل دراستك.
نيار: اكمل وداعت امي وابدل اسلوبي وترضين بيه بعد ما الچ عذر.
شلت شعري من وجهي اباوع فوك
سبأ: اي عود افكر.
نيار: وانه هم عندي شروط!
تخوصرت كدامه كاشه نفسي وعاقجه ملامح وجهي.
سبأ: شنو عيني شنو اني ابقه مثل ما اني محد كال الك تعال عليه عدك شروط روح حطهن يم غيري داده كال عندي شروط كال يلا انزل يلا يلاا
خزرني ضايج متعصب
نيار: هيو احچي عدل.
سبأ: انتَ الهيو يلا انزل يلا
نيار: اني اعلمچ
سبأ: روح علم خواتك هاي اذا تعرفهن وكاعد يمهن دايح 24 ساعه يلا امشي منا كون الزهره يجي سلار ويشوفك هنا يشكك شكك
تلفت يدور شي عود يضربني بي باوع عَليه خازرني
نيار: بت الفگر اشگ حلگج انوب اذا تجاوزتي.
ضليت اباوعله محترگ كلبي
سبأ: لو تصير رئيس الوزراء ما اقبل بيك الدايح ابو الشوارع يلا وليي منا.
صديت وراي من سمعت صوت ابوي بسرعه درت عليه
سبأ: رووح منا اجه بابا
نيار: وام البنين ما اتحرك اذا ماكلتي اسفه.
گلبي يدك حييل اخاف يجي ابوي ويشوفه
درت عليه محترك دمي
سبأ: خااب ويطبگ وجعع خل يگضك ويگتلك.
نيار: يلا هلا بي
كعد علبلوگه من كل عقله، صديت وره من اقترب صوت ابوي
سبأ: نيااار رووح مناا كتتلك!
نيار: ما اروح.
عضيت شفتي محتاره، واسمع صوت بابا يخترق مسامعي
- سبأ وينچ!
فتحت عيوني على وسعهم وهمست
سبأ: اسفه نيار اسفه روووح
درت راسي لبابا
سبأ: ها بابا
- متجين تنامين؟!
سبأ: هسه حدخل
هز راسه ومشه مسافه مني، التفتت لمكان نيار ماموجود حطيت ايدي على گلبي اخذ نفس براحه، جهازي مشتغله الشاشه مالته صامت منار تتصل انطيت رفض وصعدت اركض فوك فتحت الباب، لكيتها تفتر وايدها على گلبها
بس طبيت وكعت على ارگبها، تجر نفس ركضت الها.
سبأ: منارر مناااار
منار: الحمدلله الحمدلله كلت شافهم كلت راح يكتلها كلت راااحت سبأ
سبأ: لا شبيج هياتني، منار عفيه لتخوفيني عليچ شبيچ.
لزمتني من اذني حيل ترزل بيه
منار: كلبببي وكعع عليج اشكك حلككچ اذا بعد اجه هنااا تخصمييييينه ويصخممج اقبليي بي وفضيهااا اني منا كلبي تعبااان نوب تعبجج
سبأ: اااااي شبيججج هوه يجي اني دازه عليه متشوفييي مچلب.
منار: شوفي يجي سلار وتحجيله كلشي حرف ماتضمين عليه سمعتييي لو لاا.
سبأ: لا منار ماكدر لا احسن ما احچيله اني انتِ احجيله.
منار: اذا كلتي اله عل اقل جانب منه يرضى عليچ
سبأ: راح يزعل مني.
منار: طبچ طوووب لعد شيسوي يصفگلج؟
سبأ: اخاااف
منار: سبأأأ
سبأ: ااي ااااي هاهييه هسه يجي واكله باچر
منار: هسسه!
سبأ: مناار
منار: سبأ بس يجي تكليله
سبأ: يجيي تعبااان والله.
- هوه يجي بس الصبح ويروح البيته تكليله هسه سمعتي لو لاا!
هزيت راسي افرگ بأيدي نشف ريگي كد ما ابلع بي أفترر بلغرفه وأدعي سلار يروح البيته وميجي هنا، مرت ساعه ونص فز جسمي على صوت فتحه الباب مال غرفه تراجعت، باوعت لمنار بتوسل
سبأ: منار عفيه
هزت راسها ب: لا
اخذت نفس وطلعت من الغرفه الم بگذلتي وره اذني وكفت ب باب الستقبال دخل سلار
سبأ: شلونك سلار.
سلار: هلا عيني، ليش منايمه الحد هسه؟
بلعت ريك متوتره ألعب باصابع أيدي
- مو شسمه أنتضرتك.
كعد على التخم واني رحت جبتله كاسه مي شرب وحطها على الطاوله بدون مااحچي طلع محفضته من جيبه وطلع 50 الف
بسرعه كتله
- لاا سلار مو على فلوس.
- حته لو اخذيهم.
- بس...
رفع راسه خازرني
- راح أكتلچ.
مسحت وجهي واخذتهم منه تقوي سبأ شبيچ تقوي سلار متفهم ومن زمان أنتِ متضمين عليه شي كليله حته لو تنكتلين اساسا هوه بعمره مرافع ايده عليچ احچي بس انطقي
غمضت عيني بسرعه كتله جره وحده.
سبأ: اريدد احچي وياك بموضوع مهم بس مو هنا بلطرمه أحسن.
فتحت عيوني وجريت نفس عكد حاجبه وأشررلي امشي كدامي مشيت كدامه وكفت قريب على الحديقه وهوَ وكف كدامي يباوع للحديقه ميباوعلي.
سلار: احچي.
عصرت الفلوس بأيدي متوتره و گلبي يدك حييل عبالك اني ألي اروح ال نيار واحاچي ضليت أعلس
سبأ: شسمه.
- سبأ احچي تعبان اريد ارتاح.
- باوع والله العضيم اني مسويت شي اسمعني للنهايه راح احچي تمام.
- احچي.
- شسمه، نيار أبن خاله فاطمه.
هز راسه أي عينه بلكاع أبد ميرفع عيونه ألنه حته من يحچي وي أمي يباوع الأي شي أله وجه الشخص اليحچي مرات حييل قليله يباوع بوجوهنه.
كلت بتردد كلي غباء
: يحبني.
هز راسه هادء
: منو كلچ.
عضيت شفتي خجلانه عيوني دمعت
: هوة.
رفع حواجبه وهز راسه
: كملي.
: كال اريد اخطبچ.
: حلو، وانتي شكلتيله
نزلت عيني للكاع
: ماقبلت.
: السبب؟
رفعت كتوفي
: ما أدري.
: كملي.
: كام يروح ويجي ويلح عليه دائماً وأني ابد مااقبل يعني هيچ من وحدي.
: هنا يجي؟
بلعت ريك شددت لزمتي على الفلوس أنترست مي من أيدي من الارتباك
: أيَ.
هز راسه خوش
: وبعد؟
سبأ: اليوم هم أجه.
سكتت اباوع الملامح وجهة علمود اتطمن وأكمل نفس الملامح كملت حچيي
سبأ: كال اريد سبب واحد علمود متقبلين بيه.
سلار: شكلتيله؟
رديت، كتله كمل دراسه وصير خوش ولد لان ادري بي مستحيل يصير هيچ وحته لو صار النفسه مو ألي.
رد، يعني خليتي الدراسه عذر.
: أيَ
: وبعد.
: كالي اني هم عندي شروط علمود اقبل بيچ.
: شسويتي.
: غلطت عليه.
: عفيه كملي.
: هوه هم غلط عليه.
: شكلج
: كلي بنت الفگر، كتله بعد لو تصير رئيس الوزراء مااقبل بيك وحته لو صرت خوش ولد وترجع تدرس هم مااقبل بيك وهم غلطت عليه بعد واجه بابا كتله روح منا روح يكلي اله تعتذرين مني يلا اروح وكعد على هاي البلوكه ومااراح وتوسلت بي ماراح اخر شي اعتذرت منه يلا رااح وله.
: بعد؟ ماناسيه شي؟
: أيَ وكتله ياخي شتريد مااريدك اني.
: شكلج.
: كلي انعل يومچ ويوم اخوچ واني رزلته لان غلط عليك وضليت اغلط عليه.
: هذا صار شكد الحچي؟
: مساع.
: لا من كلج اريد اخطبچ.
بلعت ريك رفعت راسي للبلكونه منار هزتلي راسها كلت بأرتباك
: سنه ونص.
: وهسه يلا كلتيلي؟
: خفت.
: مني؟
: خفت تضربني.
: يايوم ماد أيدي عليچ وعلى منار اني؟
الدموع تجمعت بعيوني حچيت مستهضمه
: اعتذر.
: بعديش؟
سبأ: سلار...
سلار: سكتي سبأ.
نزلن دموعي
: سلار عليك النبي لاتزعل مني.
: لا تبچين روحي.
: سلار عفيه والله الدنيا تضلم بعيني من تزعل مني.
: چان فكرتي بسلار بهل سنه ونص.
عافني ودخل للبيت صعدت فوك الغرفتي وبس دخلت لميت روحي وبچيت مقهوره اشهك
: زعل مني زعل.
كعدت يمي منار جرتني الحضنها
: حقه هسه يهدء واحچي وياة اهم شي صار عنده علم شفتي؟ ضربچ لاا.
: لو ضاربني ولا يزعل مني لو ضاربني.
: اشش هسه يهدء وأتفاهم وياه.
هُذال:.
صار يومين من رجعنه من البصره الوضع هدوء وكلشي ماكو غَهيب عادي يسولف ويطب ويطلع لبست قمصلتي فتحت الجرار مالتي اريد اطلع كيتر الم بي شعري ماكو فتحت المجر الثاني مال غَهيب خاف حاطته بي بدون ما أدري
عفت شعري وسحبت ورقه من بين اوراق غَهيب راسم كتفي من عضم الترقوه الحد الشامه حتى الشامه البركبتي راسمها الرسمه مضلله وحيييل حلوه جوه بخط صغير
زندها الدمر القيدات
بكُمر أسود
مُلحد بلعشگ آمن.
ضليت مبتسمه اباوع على الصوره باوعت ع الساعه وبسرعه رجعتها المكانها گلبي يدك حيلل ونزلت جوه غَهيب ينتضرني بلسياره بأيدي كتاب العربي اليوم امتحان
صعدت وياه وهوة ضل واكف مامحرك السياره
باوعت أله
هُذال: هاا؟ يلا.
رفع حاجبه مقابل
: اشو اليوم مخالفه ست هُذال؟
كلبت عيوني
: ايييي غَهيب يبوو شمخالفه شنو السالفه
: شمخالفه؟ والتنوره والقميص.
: بس اليوم.
: نزلي بدلي.
درت وجهي منه ضايجه
: ماابدل بس اليوم كتلك.
: كتلج نزلي بدلي.
: مااا
: هُذال
: لتصييح.
: شوكت مصيح.
درت وجهي احچي ببرائه
: يعني والله ميصير هيچ كتلك بس اليوم ولابسه قمصله فوك ميبين بس أنتَ تريد تعاندني.
مسح وجهة يحچي
: شتغلت رشاشتها شتغلت.
: وانته من الصبح مشتغله خزراتك.
التفت عليه عاكد حاجبه
: خزراتيي؟
ماجاوبته كبل باوعت على حاجبه شلون صار خط واحد وبسرعه كتله
هُذال: غهيييب اريد اطبر مثل حاجبك.
غَهيب: عيدي عيدي ماسمعت؟
: أكول شلونك وي طلاب الجيم ههه كساله مو.
هز راسه يباوع عل طريق شغل السياره واني كلساع الزم حاجبي مدري شجاني لمحته مبتسم صاد وجهة على الجهة الثانيه
طبك كدام المدرسه نزلت حاطه ايدي فوك حاجبي من الشمس الجو بارد بس الشمس طالعه
هُذال: حروح أشتري.
أشرلي امشي واجه وياي
وكفت يم النساتل اختار وأجه بصفي
جر باكيت جگاير ابيض واني بدون ما أدري كتله
هُذال: ايع هذه موو طيب شلون تشربه أخذ ابو النعناع يجنن.
بلعت ريك بدون مااباوع عليه حته النساتل عفتهن ودرت وجهي أله يباوع عليه خازرني بلتت شفتي وهو فاتح عيونه بعيوني هز راسه ألي بوعيده شتت نضري منه بسرعه وهوَ عاف الباكيت الأبيض واشتره ابو النعناع
دفع الحساب وطلعت أمشي كدامه درت عليه مبتسمه ابتسامه مصطنعه
هُذال: احمم، يعني مبين شفت بلنت يمدحون بذاك.
هز راسه يمسح على شاربه
: انتِ التخلصين الجگاير يعني خوش خوش.
: يا جگاير.
رفع راسه خازرني.
: اصبري خل نرجع أذا ماافرك حلكچ فرك ياهذال.
بقيت ساكته رجع كال
: ادبسزز.
: لاتغلط هيه بس 3 مرات.
يهز براسه ميباوع بوجهي
: يصير خير يصير.
عود اريد اكحلها عميتها من كتله
: أيَ طبعاً يصير.
فتح عيونه يباوع بوجهي واني ابلعم سكتت خاف هم احچي بعد واصخمها بلزايد
دخلت للصف أول درس رياضيات والثاني عربي
أمتحنت الحَمد الله زينه طلعت مرتاحه بأيدي بطل المي منتضره اسينات يدك الجرس وتطلع من صفها أجتني بنيه مااعرفها.
: انتِ هُذال الأماسيل ستار؟
هُذال: أيَ.
: استاذ غَهيب يصيحچ.
: تمام شكراً.
رحت أمشي على كيفي وأفكر شخترعلي من چذبه هسه أنتِ اله تحچين أله! خلي يشتري حنضلل شعليچ أنتِ أكله مُهاف كلي موطيبات؟ لا هوه اني بعد چفصت وكتله هنه 3 مرات على ماوصلت أني كل الافكار طارت من راسي دكيت الباب على كيفيي ودرت وجهي عود اريد ارجع وأذا سألني اكله دكيت الباب ومارديت
أنفتح الباب ابتسمت بوجهة رفعت ايدي
: هلو.
طبيت وهوه ركع الباب وراي وركعه بقفله ام ال3 فرات
وكف كدامي ذب الستره مالته وفتح دكم قميصه ال 2 الأولى
غَهيب: تفضلي ست هُذال؟ اطربيني
هُذال: شنو.
خزرني مركز بوجهي
: هذااال!
: نعم.
دك الجرس واني بسرعه اشرتله
: هاا دك الجرس سمعته يلا يلا حروح عندي درس.
ردت أفلت لزمني من ياخه قميصي
: تعاي تعاي شاغرر درسكم هذه.
رجعت كدامه
: أحم.
ألعب باصابع أيدي احچي بهدوء.
: غَهيب ونبي هيه 3 مرات وبعد ابد مااخذت منك جگاير ابد وكلت بعد مااشرب ابدد اصلاً هنه مو طيبات.
: ثلاثه كلتي!
: أي بس ثلث مرات.
: وانه ما أدري!
: مو شسمه چنت من تروح ل سكندر أبو هندس وتضل لل 2 يلا ترجع وأني اشرب.
: حلو حلو.
بلتت شفتي منتضرته يحچي ألعب باصابع أيدي
اسوي نفسي فقيره كباله
غَهيب: تعاي اوكفي هنا.
تقربت وكفت يمه
غَهيب: كم مره كلتي؟
: 3
ونزلت نزلت راسي.
غَهيب: هاي وحده.
رفعت راسي مامفتهة شنو بحركه سريعه منه أيد صارت على حلكي كاتمه صوتي وعضني حيييل من خدي فتحت عيوني على وسعهم مصدومه أضرب بأيده على خذيي بعد وجهة كدامي
غَهيب: راح اوخر أيدي من حلكچ اذا صيحتي ماتنحسب ويرجعن عقوباتچ 3 سمعتي؟!
هزيت راسي أي مدمعه عيوني مسحت على خذي صاير نارر هز راسه لا يحچي
: مابيچ أمان خل اكمل الباقيات.
فتحت عيوني اهز براسي لا أضرب بأيده اريده يوخر ولا يمه رجع عضني من خذيي الثاني حييل زلغت ايده اريده يوخر خدي جمرر وهوه ولا يمه
بعد راسه يفكر
: الثالثه وين؟
خزرته اريده يوخر وهوه باوع بعيوني
: راح أعضچ منهن أذا ضليتي تخوزرين بيهن.
درت عيوني منه وهوَ نزل راسه الزندي من فوك القميص عضني بمكان الشامه بس مو حيل مثل خدودي طول يلا أبتعد رفع راسه منتعش وخر أيده من حلگي مرتاح
درت وجهي عيوني متروسه دموع.
لزمني من أيدي واني مااباوعله احچي مستهضمه
: وخر وخر غَهيب.
: ها وجعتچ؟ هيچ تعضعضين بكلبي من كلتيلي شربت من جگايرك ثلث مرات.
: وخر غَهيب بعد مااحچي وياك هاي بدال متكلي مو زين عليچ تعضني؟
يضحك جرني من أيدي الحضنه
هُذال: غهيييب!
ضحك بصوت عالي متونس يحچي بحنيه
غَهيب: ها بابا ها عيني.
كورت ايدي اضرب على صدره
: وخر بعد مااحاچيك.
بعدني من حضنه يباوع لخدودي شلون حمر وأثر سنونه بيهن يحچي كاتم ضحكته.
غَهيب: مو خوش سالفه هاي مبينات خدودچ معضوضات.
ضحك حييل مامتحمل وأني من كل عقلي صدك نغثيت منه شكد ضحك عليه
هُذال: زعلتت والله بعد كلشي مااكولك.
غَهيب: شنسوي وترضه؟
: ماارضه.
لزم وجهي بين أديه ونزل راسه باس خدي مكان العضه طول يلا أبتعد واني جسمي جمد رفع راسه ودار الخدي الثاني يبوسه
غَهيب: ماغلطان علمود اراضيچ بس يلا.
دك الباب وغهيب راح فتحه استاذ مرتضى
: اجه المشرف.
غَهيب: هسه أجي.
دار راسه عليه واستاذ مرتضى راح
: نسيت شي ثالث بلبيت نكمل.
غمز يباوعلي فتحت حلكي ياا هذه شبي اليوم
عفته وطلعت وهو من فتت منه خله كذلتي وره أذني كل الطلاب عليهم مدرسه الممرات فارغه واحنه شاغر
كعدت على المسطبه اجني جنه وزينه كعدن يمي سولفنه شويه ودك الجرس
فتنه للصف هلدرس أنكليزي دخل غَهيب
: السلام عليكم.
ردينه السلام وهو بده يشرح كلساع تجي عينه عليه.
وأني مااباوعله خلصنه الدروس واخر درس المدرسه غايبه ضليت منتضره غَهيب يطلع من الدرس مالته علمود نرجع سوه اسينات كاعده بصفي منتضره الخط مالتها
اسينات: البارحه فتت من الغرفه مال سميحه سمعتها تخابر.
هُذال: بعدهاا!
دنكت راسها تحچي مختنگه
: تريد تجيبه للبيت.
فتحت عيوني على وسعهم ألى يا حد واصله!
: حچيتي وياها!
هزت راسها
: كتلها راح أكول الأبويه.
: نور تدري؟
هزت راسها اي.
: شافتني أبچي وسألتني وكتلها كلشي حچيت الها ومن البارحه تبچي كاعده بلغرفه مالتهاا
هُذال: اسينات.
اسينات: ها
: لا تكولين الخالو.
صدت عليه خازرتني تبچي
: أنتِ كل عقلج!
هزيت راسي أيَ
: وخلي يجي حُسام ألها.
فتحت عيونها تحچي محترگه
: شبيچ هذالل!
صديت عليها.
: اي خل يجي ولاتكولين أنتِ وسوي نفسچ متدرين من يجي القندره مالتها اتصلي على خالو كليله تعورت كليله نور تخربطت شتكولين كولي خل يجي هوه ويشوف بعينه احسن ماتكولين أنتِ وتصير سالفه طويله عريضه ونور خلي تسوي نفسها ماتدري كوليلها ابد لاتحچي وأذا ماكدرتي اني اتصل على خالو اكله ضايجه جيب اسينات يمي وهوه راح يجي على اساس ياخدچ وبعد هوه يشوف مرته.
هزت راسها أي
: بلكت الكه نور بعدها بلغرفه وكلشي ماكايله.
: أن شاء الله.
: يلا اجه الخط مالتي بيباي.
: باي.
أبتسمت تمسح بدموعها وحضنتني طبطبت على ضهرها ابتعدت مني وطلعت للخط مالتها.
طلعت من المدرسه ووكفت يم سياره غَهيب كل الخطوط راحت وهوَ تأخر انجريت من أيدي حيل التفتت وأشوف بوجهي ميثاق دفعته بسرعه وهوه ضل لازم أيدي
هُذال: وخررر منييي!
ضغط على ايدي حيل يسحب بيه
ميثاق: موو قبل لاااحچي ويااچ.
صحت بوجهة جسمي يرجف من العصبيه
: وخرر منييي حيوااان ماعندييي حچي وياااك.
حط أيده على حلگي كاتم صوتي يسحبني وراه للسياره مالته عيني على باب المدرسه متأمله واريد بس غَهيب يجي ماطلع.