رواية أغلال زمن الغيهب للكاتبة مرمر الدليمي الفصل الثالث والعشرون
رسل كبل نامت ونور تباوع على
الطريق و اسينات تلعب بلجهاز مالتها
شكد ردت انام ماكدرت وكل ماسياره غهيب
تصير بصفي ادير عيني من الطريق اسوي نفسي ماشايفته حته
وصلتني بصمه من خاله ايات
فتحتها صوت غهيب يستغفر بصوت ناصي ضايج وراها دزت
. هاي كل متديرين عينچ منه يشيط
ضحكت بصوت ناصي عيوني بلمبايل رجعت دزت خاله ايات
. شوفي عينه وياچ ضحكي ضحكي ورفعي الجهاز علمود يبين جاي تضحكين والجهاز بأيدچ.
ضحكت حيل من صدك خاله آيات متأثره
اكثر مني بلموضوع رجعت دزت بصمه ثانيه
هم يستغفر بصوت عالي متت ضحك من صدك هلكد مركز وياي شدعوه دزيت الها
. اي خاله وبعد شسوي اريد احرگ كلبه؟
وطبعاً هاي خاله ايات شي اكيد تختلف عليه
دزت
. شنو تحرگين كلب أبني شو ماتستحين امشي يلا امشي
. ها هم اختلفتي عليه؟ خوش خوش بس نتراضه اني وغهيب اله اوزه عليچ
. والله على سوالفه مال هسه من كتل روحه أني أكول صدك ينوز عليه ويصدكج.
. أي شعبالچ لعد فلوس ام عباس هسه يلا بينن
. طيح الله حضچ مو رايحين للأمام علي
. سحر أبيض هذا خاله ابيض
. اكلج هُذال
. ها
. بلا انتبهيلي على اسينات ومهاف عينچ عليهم
باوعت عليهم ورجعت دزيت
. شبيهم؟
. هم واحد يباوع للثاني لو لا
باوعت الاسينات رايحه بغير عالم ومهاف عينه على الطريق
. لا ليش
. اني متاكده هذا مُهاف ورا سالفه
. دكولي يا الله خاله صدك چذب متصدكين واحد يباوع بلغلط كبل تربطينهم
. هسه تشوفين
. خوش.
سديت التليفون ومن صدك ركزت على مُهاف ومصغره عيوني ورافعه حاجب عود مركزه باوع مُهاف عليه اشرلي شكو؟ ورجع عينه على الطريق
هُذال: سلااامتك.
جريتها رافعه تك حاجب عود يعني كاشفتك
هز أيده يحچي بصوت ناصي
مُهاف: سواديين.
درت وجهي للجامه سياره غَهيب تمشي بصفنه راحت عيني عليه اباوع الهذا الطركاعه
مالتي بلدشداشه شلون لحيته جايه عدله وياه وحاجبه المطبور والساعه الفضيه والحلقه
بس دار راسه عليه واجت عيني بعينه.
سويت نفسي العب بلتليفون الله يطيح حضج هُذال الله يطييييحح حضجج ليشش تباوعين ليشش اريد اضرب ايدي بگصتي بس شو ستحيت من مُهاف
وصلني اشعار منه كاتب
. بعد بعد أضحكي
عرفته يقصد على مساع من ضحكت وي خاله آيات بس هوه ميدري وي منو چنت احچي دخلت على المحادثه مالته وطلعت يعني طلع يمه شافها بدون ما ارد عليه دخلت على الستوري مالته لكيته ناشر فيديو الشاعر يكول بي
شنو حضرت جنابك عود زعلان
هاي أعض أصبع ونَدمان اعتذر.
التوبه ما ضايك أحساس الينكسر
ما تكاتلنه إعلى كيفك يل عَزيز
عازتك عن الهوى حدود الشبر
كون بيه عيوب فَصلني تفصال
تكسر ضهرنه النوب زعَلاتك ثگال!
ابتسمت فرحانه وكلساع اعيد بلستوري اختلفت على نفسي احچي وي روحي هاا شنوو حنيتي اسكتي يلا ونچبي قفلت الجهاز صار بي 1 حته ما شاحنته ولا ادري بي وين فتره الدراسه ورجعت راسي على الگُشن وغمضت عيوني يمعوده يا هذال
نامي ابد ما جاي انام
هُذال: مُهاف.
مُهاف: ها بويه.
هُذال: أطبك على محل جيب النه حلويات نكضي بيهن الطريق.
مُهاف: شتردون كتبي برساله ودزيها ألي انزل اجيبه الكم.
شغلت جهازي طافي حطيته يمه بلسياره موجود واير للشحن
هُذال: طافي، اسينات سجلي ودزيهن لحساب مُهاف.
أسينات: ثواني.
هُذال: كتبي
جبس ليز الچبير 4
ببسي 4
كرزات
جباسه منوعه
نساتل
ماكس الحار
وانتن نور واسينات شتردن كتبن همات يجيبهن
مُهاف؟
: ها.
: رُسل شتحب من الحلويات تعرف علمود اكتب؟
أبتسم عينه على الطريق و رد.
: أصابع العروس.
: شنو ذني؟
: هذا الباكيت الأحمر الطعمه كعك.
: ياا الأصابع الطوال!
: اي هيه تحبه تسمي اصابع العروس.
كتبت اسينات ومهاف اتصل على غهيب
مُهاف: راح اطبك على محل انزل هم اشتري السفانه والوياك اذا يردون شي.
طبك مُهاف يم سوبر ماركت وغهيب هم نزل
رُسل: هاا وصلنه؟
نور: لا حبيبي وكفنه نشتري.
: عبالي وصلنه بعد شكد.
اسينات: بعدنه هستونه طلعنه شبسرعه نمتي.
هُذال: رجعي نامي رُسل من نوصل اكعدچ.
رُسل: اي عفيه اريد اشبع نوم علمود ما انعس يم الأمام على احسن مما نايمه ادعي على محمد.
هُذال: ههههههه يلا خوش.
سكتن البنات صار هدوء نزلت الجامه ورچيت راسي على الباب مال سياره الهوى يضرب على وجهي وبس صوت السيارات مال شارع
صار كدام الجامه مالتي غهيب ضليت راچيه راسي اباوعله ساكته البنات موجودات كلشي ميكدر يسوي لو يحچي
طلع من جيبه نستله نمبر وان الخضره وقدمها ألي مديت ايدي اخذتها منه بدون ما احچي.
وهوه بقه واكف كدامي شغل جگارته يدخن ويفر بلسبحه مالته
شويه وطلع مُهاف شايل علاكه چبييييره راح غهيب دخل جوه للماركت من الجامه مالتي انطاني العلاكه مُهاف ووياهم گارتونات 4 مال نستله بطريق بسرعه أجه على بالي رسلان وهوه كلي
مُهاف: هذني اوزعهن بثواب رسلام يحبها.
هزيت راسي اي الغصه واكفه ببلعومي.
بأيده مصاصه حمره چبيره تقدم السياره غهيب دك الجامه بخفه أيده نزلتها سفانه ضحكت من شافت المصاصه بأيد مُهاف اخذتها منه
وهو غماها وأجه عود يعني حته لو جبتلج مصاصه مو معناها احبچ قبل ليصعد صحت عليه
هُذال: لعد وين مالتي؟
ضحك ونزل راسه حط ايده بجيبه وطلع
هم وحده ثانيه وانطانياها باوعت أله صفح
هُذال: عبالي ماجايبلي.
مُهاف: هيه بس هاي الچ رجلج كضاني بلماركت يكلي كلشي لتجيب المرتي انا اخذ الها.
عود ردت ارد عليه بجريده شطولها فزيت على صوت رسل
رسل: مُهاف واني مجايبلي مصاصه صدك؟
مُهاف: مو متحبيها؟
رسل: شمدريك يجوز كمت احبها؟
مُهاف: جبتلچ اصابع العروس.
بسرعه تغيرت ملامح وجها ونترست فرح
رسل: االله صدك فدوه حبيبييي
هز راسه مُهاف اي ندستني اسينات
اسينات: شنو مانحرك صدك چذب.
هُذال: اوكفي غير يجي غهيب.
طلع غَهيب شايل علاكتين صعد مُهاف وغهيب وكف يم الجامه مالتي عبر العلاكه حطها بحضني ومن سحب أيده كرص خدي خفيف محد أنتبه وتمشه للسياره مالته دار عليه وباس اصابعه الكرصني بيهن درت وجهي منه وصعدت الجامه شكد ادبسزز
حرك غهيب واحنه ورا وبعد محد حچه وكل ما اباوع السياره غهيب الكا حاط ابهامه على شفته مسوي نفسه يمسح على لحيته حسيته يتقصد ينرفزني علمود احچي وياه.
عفته وبعد ماباوعتله البنات كلهن نامن واني گلبي منتضر يشوف لافته محافضه النجف اكثر من عيوني
وبس شفتها گلبي رجف اااخ هنا اهلي هنا روحي مدفونه هنا
رأستاً الرجفه لزمت أيدي وكلبي يدك بقوه وأسمع مُهاف يهمس بصوت ناصي
مُهاف: جيتكم يا أعزاز گلبي.
اول ماكلنه نروح على القبور النوب على
الأمام على بعدين سميحه كالت ميصير
واحد يزور الموته بليل والله چان بودي احچي بس كلت خاف يطيرن حسناتي وسكتت
رحنه للأمام على ع.
غهيب دلانه على مكان من نطلع نوكف يمه علمود لانضيع وماشاء الله احنه جييش ليكول موكب اني وسفانه ونور واسينات وخاله ايات وسميحه تبره الامام على منها ومن امثلها ان شاء الله
دخلنه زرنه وصلينه ركعتين مال زياره اباوع على سميحه عادي كلش زارت وباست الشباك ولزمته تدعي ادري على شنو تدعين؟
الله يجمعج وي حسام وانتِ مزوجه خالو؟
استغفرت ربي ودعيت هواي كل تعب گلبي من دراسه ومن الضروف الجاي تصير ومن اشتياقي الأهلي واحتياجي الهم من صدك فرغت كل إلى بداخلي
أسينات:
كاعدين بلأمام على ع كملت صلا وكمت وياهم كلساع اعثر بلعبايه واريد اطيح على وجهي شايلتها وافتر وراهم أتصل غهيب على خاله ايات وكالها خلصنه منتظريكم
فاتت سميحه من يمي ابتعدت منها كاشه نفسي صار شكد مامحاچيتها ولا مباوعه بوجها لا اني ولا نور وياريت مهتمه لو عدها حساس وتحس.
مكيفه على الوضع گلبي يتكطع والله يتطكع من اسمعها تحچي وي هذا النعال مالتها واليقهر اكثر يعرف بيها متزوجه،؟
لزمت أيد هُذال وهيه حطت عيونها بعيوني تحچي بهدوء لان بس اضوج كبل يبين على ملامح وجهي
هُذال: شبيچ؟
اسينات: مابيه شي شوكت تخلصون
هُذال: سفانه جاي تصوت منتضرينها تخلص.
: اني نسيت عود اخذ منها.
خلصن وطلعنه رحنه للأمانات اخذنه الأحذيه مالاتنه وكفنه على جهة نلبس بيهم وأني احچي وي هُذال.
اسينات: هذا الحذاء كطع رجليني.
هُذال: هيه مال حذاء بلمگبره چان لبستي واحد فلات.
مارديت عليها ونور واكفه بصفي وسفانه وسميحه وايات
شلت راسي يمشن كدامي سرعت خطواتي ولزمت هُذال من ايدها
اسينات: اييي على كيفكم شبيكم تركضون.
باوعت عليها هاي مو هُذال وخرت ايدي منها اباوع حواليه ماكو ولا واحد رجعت للمكان الچنه واكفين بي ماكو.
بسرعه تجمعت الدموع بعيوني تذكرت غَهيب من كال هذا المكان اوكفو يمه اريد بس اذكره وين واحنه منين اجينه كلشي ما اذكر حته ولا رقم حافضه الهم بچيت بسرعه اباوع على الناس اريد المح بس وحده منهم ماكو
شفت مكتبه صايره بصف الشارع الأجينه منه وعلى طوله محلات أمشي وما اعرف وين رايحه وبس دموعي بعيوني العبايه كلساع اعثر بيها ورجلي موتتني من كد الألم الحذاء ابد مو مريح.
مريت من الناس أبچي انجرت ايدي من طرف العبايه بخفه
مُهاف: هنا هنااا.
صار بوجهي مُهاف خازرني واني زادت بچيتي
اسينات: ضعت مُهاف ضعت.
مُهاف: أدري ضعتي چا ما ادري.
اسينات: وين نور وبابا وين
باوعت أله خازرني وحچه بعصبيه
مُهاف: كمشي قميصي.
عكدت حاجبي نوب حته كمت ما افتهم الحچيه وخفت بلزايد اله شويه هم ارجع اطكها اقوه من هاي البچيه
رديت عليه ابچي خايفه
اسينات: شنو كمشي شبي قميصك عفيه لتخوفني.
مسح وجهة متنرفزز وصد عليه
مُهاف: يعني لزمي بابا يعني لزميي قميصي من ورا خاف تضيعين.
هزيت راسي أي وكمشت على كولته قميصه من وره كل قوتي نوب هوه كل خطوه يعبرها اني اسويها خطوتين طاير بينه طيره وخابر على غَهيب كله جايين وسده منه
اسينات: مُهاف عليك الله على كيفك حذائي يوجعني.
صد عليه عاكد حاجبه
مُهاف: شني؟
اسينات: يعني اقصد رجليه يوجعني.
باوع عليهن ورجع باوع الوجهي
مُهاف: شبيهن؟
اسينات: من الحذاء.
سحبني من طرف العبايه عود متدين ميلزمني من ايدي والله لو ما اخاف صدك اضيع مره ثانيه اني إلى ما اخلي يلزم حته طرف العبايه
وكف يم واحد يبيع احذيه اشترالي حذاء كعدت البس بلحذاء وكمت امشي بي اشوفه اذا مريح هزيت راسي إلى وهوه دنك واخذ الحذاء مالتي الذبيته وحطه بعلاكه
خطوتين ابتعدنه من المحل ولكيناهم كلهم واكفين متجمعين رحت البابا اركض وهوه حضني
حامد: وكع گلبي عليچ والعضيم.
اسينات: والله حته اني وضليت ابجي.
حضنتني نور و هُذال حته بچي باچيات عليه حقهن يدرن بيه ثوله وكلشي ما ادبر ولو ما مُهاف لاكيني چان ضليت ضايعه باوع هُذال على رجلي وعلى العلاكه البيد مُهاف ورجعت باوعت الام غهيب وام غهيب هم باوعت على هُذال.
ضليت لازمه ايد هُذال وأمشي وياها اخاف اضعيها الجو هستوه يبين خيط الفجر بي والشمس شويه شويه تعلى وسميحه عادي بس شافتني ودارت وجها زين أنتِ متستحين كدام عيال هُذال هيچ تسوينن؟ حته لو بلچذب سوي نفسچ متأثره شويه بس شويه؟
سويت نفسي ما مهتمه وطز بلوضوع واني گلبي مشتغل نار رجعنه صعدنه بلسيارتات اول شي طبكنه يم أبو غهيب نزلنه كلنه لان قريب حيل على الشارع مو جوه صاير.
قرينه الفاتحه دنك غهيب باس الگبر مالته ورفع ايده يقره الفاتحه عينه على الصوره مالت أبو دنكت سفانه باست كبره وخاله آيات تبچي وتغسل بگبره مُهاف مطلع دعاء بلتليفون وحاط ايده على الكبر يقراه
كعدت رُسل يم گبره وحطت راسها عليه وبچت بصوت عالي تردد مهضومه
رُسل: بابا.
طلعنه وكفنه يم السياره خليناهم وحدهم على بين ما خلصو هُذال راحت روحها تكول.
هُذال: أحس بكلبي يرجف بكل مره اجي عبالك صار سنين طويله مجايه وهسه يلا راح اشوفهم.
وصلنه للفتحه المدفونين بيها عمه حنان وزوجها ستار ويمهم رسلان
وصلنه قبل سياره غَهيب لان مُهاف يمشي بسرعه نزلت هُذال تتعثر بخطواتها نزلنه وراها كلنه تمشت لكبور اهلها تشهگ قبل لا توصلهم طاحت كدام قبر عمه حنان شويه بعيده عليه قبل لاتوصله شهگت بصوت عالي تبچي وتحچي.
هُذال: يبيدن رجليييه كلل مااا اجيككم يييمه مايشيللنييي مايعينني اوصللكمم ييييمه مايعينتيي.
طبكت سياره غَهيب ونزلو منها كومت هُذال ومشيتها على قبر أمها وكفت تباوع الهم بلسره
امهاا، ابوهاا، رسلاان
وكف بصفها غَهيب وبابا نزل نفسه الگبر عمه وبچه بصوت عالي
صفگت هُذال بأيدها محتاره وتشهگ تحچي بصوت يفطر الگلب
هُذال: عليمن أبچي هسه أني عليمن؟
وكفت كدام قبر رسلان مُهاف واكف على صفحه صافن على صوره رسلان حطت ايدها على كبر رسلان وكعدت يمه حاضنته
هُذال: علييييك أبچيي رسلااان عليييكك مووو كتليي ماا اعوفجج موور كتلييي من اكبررر ماا اخليي احد يأذيچ بلاخير فراگگ الأذانيي رسلانن فرااگگ اذيتييي اجتت منكك رسلاان منكك تعوووفنيي موو كتلكك بقيت بس انتَ أليي بس انتتَ ليش عفتني حبيبي ليشش.
وخرت منه وكعدت كدام قبر ابوها مسح وجهة مُهاف وكعد يم كبر رسلان عينه على صورته حطت هُذال راسها على گبر ستار وبنفس الحرگه والشهگه والبچي البچته على رسلان حچت وياه.
هُذال: أبچيي علييك بابااا؟! علييكك مو تكليي اعززج موو تكلي بنيتيييي من افاركچ يضييك النفسس بيه لعدد لييشش عفتنييي ليشش أنييي مو بس يضيييك النفس علييه بفركاكك اموووت والله اموووت ميييته ويااكم اني والله بس جسدد عايش بلهدنيااا هيچ تعوفووني يااابه كلكمم هيچ متحبونيي عايفينييي وحدي بهلدنيياا بابااا أنتِ الحاطني بعيونك مامعقوله أني اشوفك بگبر تكليي عزيزني أنتِ كووم العزيزتك كوووم ليشش عايفهااا.
شالت راسها من كبره بچت بصوت عالي من شافت بابا حاضن كبر عمه حنان ويبچي جرها الحضنه يبچي وياها وهذال تحچي.
هُذال: أبچييي عليمنن خالوو عليمنن ابچييي واهلي كلهم ساكنين النجف أبچييي عليهاا هم كالتلي ما اعوفچ والله خالوو من چانتت عايشه تكلي لو متت هم تجييينيي واني اكلها يجووز اموتت قبلچ تززعلل عليه وماتررضه تااليي صدكك ماتت قبليي مااتت وروحي ماتت وياها روحي ندفنت وياهاا يتمونيي واني بعمرر صغيير خذوو روحيي من مشوو والله خدوهاا وياهممم انييي شنوو حياتتييي بدونهممم انييي شنووو حياتييي بدون كلمه بابا و يمه.
كعد غَهيب بصفها وجرها الحضنه يمسح على راسها يهمس يمها بهدوء
غهيب: اشش حبيبتي اقري الفاتحه الهم لاتقهريهم بعتابچ هذا تغسليهم أنتِ أنطيچ لو اغسلهم اني هاا انطيچ؟
هزت راسها أي الشهگه مچلبه ببلعومها اخذت الدبه مال مي من غَهيب وغسلت قبر عمه حنان وقبر وستار مُهاف حط جگارته بحلگه وأشر الهذال تنطي الدبه مال مي هوه يغسل گبر رسلان
ذب مي على كبره يمسح بأيده على اسم رسلان.
طلع من جيبه نستله بطريق وحطها على كبره أبتسم بقهر يحچي بصوت ناصي
مُهاف: اني ادري الميت بس الثواب يوصله واليوم وزعت بثوابك النستله التحبها تدري بيه مو شرير وأحبك مو رسلان؟ انتَ تحب اكلك احبك لو اعبك؟ لاتخاف هُذال ماتزعل حته لو كلتها ارجع والله كلشي ماتكول ألك واي شي تسوي ترضه ارجع رسلان ونروح بسيارتي ونطوط هواي بس ارجع...
مُهاف يحچي واحنه وأگفين كلياتنه نبچي وياه هوه وهذال ضلينه هوااااي كاعدين يمهم الحد ما الشمس صارت شعلوها والساعه ب 7 الصبح غهيب اخذ سميحه لكبور اهلها سمعت هُذال تحچي بصوت ناصي
هُذال: من گون ندفنت يمهم.
نور: بس صرف بانزين حرام اذا يوصلهم شي من الدعاء مالتها.
اسينات: استغفر الله.
سفانه:.
كاعدين على الرصيف ننتضر سميحه و زوجها نزلو على اهلها غَهيب واكف يم هُذال هيه كاعده على الرصيف وهوه بصفها مخلي راسها على كتفه
أتصل تليفوني ابتسمت من شفت الأسم غفار كمت وكفت بعيد شويه عنهم شويه دكيت ثگل وقبل لتخلص المكالمه رديت
غفار: ها حبيبي.
سفانه: هلاو غفار.
: وصلتو مو؟
: أي وخلصنه شويه وراح نطلع.
: بلسلامه.
: الله يسلمك، والدك شلون صار؟
: شبي؟
: مو كلت تخربط.
: أها اي الحمد الله أحسن.
: الحمد الله.
سمعت دكه الباب يمه تحرك وسمعت من فتح الباب بسرعه بينت بصوته الفرحه يحچي
غفار: خاب هله.
يمه صوت ضحكه سلار واسمع صوت ادياتهم واحد يدك على ضهر الثاني بلحضنه
سفانه: يلا اخذ راحتك.
همس بصوت ناصي حيل
غفار: أنتِ راحتي.
أبتسمت وسديته منه التفتت فزيت من صارت امي بوجهي
سفانه: يمه صدك چذب كببتيني.
آيات: فلا تستحين بنص المگبره وتخابرين.
باوعتلها بطرف عيني
سفانه: تراا خطيبي أنتِ ليش ضايجه.
آيات: شقصدچ اني اريد رجلل؟
سفانه: والله بعد أنتِ أعرف.
آيات: أيا ادبسزز.
ضحكنه ثنينه وهيه كرصتني تاشر بعيونها على غهيب وهذال تحچي فرحانه عيونها تلمع
آيات: اول مره أشوف غهيب مايحمل زعل غيري.
سفانه: بمعزتچ صارت بعد هُذال.
آيات: ويهنيالي.
سفانه: خطيه ونبي نوب نشلع كلبه يحير شلون يخليها تباوع عليه لو يراضيها.
آيات: خليها خليهاا اني أم ماچنت اكدر اصير ضده فوك الناس وعمامه وعماته هسه هُذال خليها وياه أني عندي آمل كلش چبير هُذال تبقه وياه الحد مايبطل هاي العصبيه.
سفانه: هسه من تباعين عليه عبالك شخص عادي وكلشي مابي وحتى عصبيته وصياحه عاديات مثل الناس بس من يعزل نفسه ويضل ايام على نفس العصبيه مو عادي ابد.
آيات: يأذي غهيب حيل يأذي تذكرين مره من عصب وخنگ عمچ جاسم وصل الموت غهيب اذا شخص كدامه وهوه عصبي غير العزيزين عليه يأذيهم.
سفانه: أي اتذكر لعد مره مو سطر عمه أيمان راجدي اذنها يومين متسمع منها.
آيات: اتذكر أي حچت عليه وهوه سمعها.
سفانه: حته ماتندم.
آيات: هاي اول مره يضرب مره بيها.
سفانه: تستاهل هيه هاي هم مره.
هُذال:
حاطه راسي على كتف غهيب وهوه معبر.
ايده وره ضهري يمسح عليها بهدوء يردد كلمته الكل ميشوفني تعبانه يكولها ألي
غهيب: كونه التعب بكلبي ولا بكلبچ.
هادئه بس استمعله احس عفت روحي
يم قبور اهلي من أجتي سميحه و خالو حامد كومني غهيب صعدني بسياره مُهاف بلصدر رسل ونور واسينات ورا رچيت راسي على الجامه اباوع على صور الموته هاي كلها ناس عزاز على اهلهم وكلها مبقينه اودلادهم يتامه مو بس اني.
تحركت السياره صديت راسي مستغربه هذا عطر غهيب مو بس عطره هذا هوه...
مخلي مُهاف يسوق سيارته وهوه بسياره مُهاف يسوق ومكعدني بلصدر وماخد راحته درت وجهي منه مالي خلك حته اناقش واحچي
غمضت عيوني وغفيت فزيت على ايد غَهيب على خدي البنات ماموجودات وغهيب نازل فاتح الباب مالتي واكف واني بلسياره مسحت عيوني اباوعله
غَهيب: أنزلي نتريك.
بدون لا احچي وياه نزلت دخلنه للمطعم كلها كاعده تنتضرنه كعدت بين مُهاف و غهيب كرصت مُهاف من ايده وهمست
هُذال: خوش تغدر مُهاف.
مُهاف: اخوي الچبير ترا.
هُذال: وإذاا
مُهاف: خطيه استخطيته.
هُذال: خوش مُهاف خوش ادير الكاه كاعد ببدالك.
مُهاف: انا هم ما أدري لكيته صاعد بسيارتي نجبرت اروح ماترهم كدام خالج ومرته نتمالخ.
باوعت أله بطرف عيني اباوع الرسل صافنه على الأكل وكلساع تغفه وتفز وغهيب عينه وياها أشر السفانه تحط كدامها علمود تاكل
فدوه شكد حنين ياربي اكلنه وكمنه غهيب دفع الحساب بقينه ننتضره بلسياره اجه وبأيده علاكه حطها بأيدي
غهيب: انطيها البُنه.
ماكدرت اضم ابتسامتي شكدد حلوووينن فددواا حته وهوه زعلان منها ينتبه الها ويعرف كلشي تريده صعد واني درت راسي الرُسل
هُذال: هاچ رسل غهيب يكول بُنه ما اكلت زين.
ضلت تباوعله واني تعمدت أكول بُنه ادري بيها تفرح من غَهيب يكلها بهذا اللقب اخذتها مني ونزلت راسها درت راسي الضحكه شاگه وجهي هم غثيت غهيب وهم فرحت رُسل
اسوي نفسي ما اباوع الغهيب وصلتني
رساله من خاله آيات ذبيت الشاحنه منه واخذته
. هاا شفتي الحذاء
ضحكت متذكره من كالتلي انتبهي عليهم
. اي خاله شفت شفت
. اي اول تالي مُهاف يحچي وي غريبه
. اويلي على المحقق كونان
. شنوو احسن مني هوه؟
. لا يابه يروحلچ فدوه.
مبتسمه عيوني بلتليفون سويت نفسي ادير على اسينات لكيت غَهيب يباوعلي بطرف عينه
هُذال: اسيناات.
اسينات: عيني.
هُذال: كولي للخط مالتچ لايجيني الاحد مُهاف يوديني.
: تمام.
باوعلي غَهيب بطرف عينه عود يعني ادري بيچ تردين تغثيني بعد ماحچيت وصلنه بيت خالو البيتهم ورجعنه للبيت بوجهي سبحت ونمت اسمع خاله ايات تسأل غَهيب وين رايح وكالها للمحلات.
قفزت قفزه الاسد على الفراش ونمت نومه من هاي التمام ماكعدت ألى المُغرب ب 5: 30 أحس اكو ثكل فوك أيدي غهيب حاضني من ورا وفارش شعري على وجهة ونايم
كلبت جسمي عليه اتأمل ملامح وجهة مسحت على لحيته امشي اصابعي عليها بهدوء رفعتها الحاجبه المطبور امسح عليه بهدوء
غمضت عيوني حيل شجاي تسوين هُذال كومي ابتعدت منه اباوع ع الساعه ب 5: 40 عزه العزاج يهذال شتقرين وشتصخمين.
مسحت وجهي حيل لميت شعري وطلعت دكيت باب سفانه دخلت ماموجوده نزلت جوه كاعدين كلهم مُهاف وسفانه يتناكرون وخاله ايات تطرد بيهم تريد تصلي
مُهاف: هلاا بسورها ونورهاا.
آيات: وچفافيرها وجدورها.
سفانه: وعيونها وخدودها.
ضحكت حيلل احط ادياتي على وجهي وافتر كدامهم مستحيه
هُذال: ليش محد مكعدنيي.
آيات: مايهون عليه اكعدچ وانتِ تعبانه.
سفانه: علساس ماكعدتيها.
آيات: فلشت الباب عليكم محد رد عبالي موته چفتت عليكم چا شسوي خفت يمه خفت طلعتو متونسين ونايمين خوش نومه.
ضليت صافنه بوجها وهيه تقلد عود تبرر ليش طبت علينه وتقلد بوجها من تسوي خفت يمه خفت صاح مُهاف يباوعلها
مُهاف: يييمه.
طكتها ضحكه سفانه واني فلتت للمغسله اتوضى صعدت فوك الغرفتي بقيت الضوه طافي لبست عبايه الصلا وفرشت السجاده
صليت صلا العشاء والمغرب رفعت أيدي ادعي
بصوت خافت.
اللهم يا ميسّر الأمور، ويسّر لي أمري، واصرف عني كل همّي وضيقة، واملأ قلبي راحة وطمأنينة، وحقق لي ما أتمنى، واحفظني بحفظك وكرمك اللهم ارزقني الخير حيث كان، وابعد عني الشرّ ما ظهر منه وما بطن اللهم وفقني في دراستي اللهم إني أستودعك أحبّتي، اللهم احفظهم من كل سوء، واصرف عنهم البلاء والشرّ والعين والحسد، اللهم ارزقهم صحة لا تزول، وسعادة لا تنقطع، وطمأنينة تملأ قلوبهم اللهم اجعل لهم من كل همّ فرجاً، ومن كل ضيق مخرجاً، واحرسهم بعينك التي لا تنام، وبركنك الذي لا يُضام وأرحم أهلي برحمتك التي وسعت كل شيء.
ذبيت العبايه وكفت اسفط المصلايه حسيت شخص حضني من ورا عرفته غهيب وهوَ حچه يم اذني
غهيب: اللهم احفظ أحبتي ارزقهم صحه وسعاده لا تنقطع وأحرسهم بعينك التي لا تنام.
عرفته سمع الدعاء مالتي رجع كال
غهيب: منو أحبتچ؟
هذال: خالو حامد نور اسينات سفانه مُهاف خاله سعاد خاله آيات.
غهيب: وأنا؟
أبتسمت بستهزاء
هُذال: أنتَ تصلح تصير سند بس
ماتصلح تصير حَبيب.
غَهيب: اكو مجال بمرور الزمن أصلح حَبيب؟
: أذا تضل بهاي عصبيتك شيل الفكوه من راسك.
{ فاصل ونواصل
عييني عوود ليش ماتتابعن قناتي بلتلي؟ هاا يلا وبلانستا هم تابعني باعنن 7mr. pn هذاا الانستا تابعني تابعنيي وتعالن كملن يلا يلا عفيه
وهاي قناة التلي sanoo783 }
فگيت ادياته من خصري ما ابتعد وشدد لزمته ميل راسه وباس خدي حيل شواربه چگگت خدي ميل راسه على الجهة الثانيه وباسني منها بنفس القوه اريد بس اوخر ادينه مني ولا وخر من خلص همس
{ تابعتني ولچن؟ }.
غهيب: اااخخ يابيت گلبي ودرابينه.
دكن بكلبي كلماته همزين مايشوف وجهي وشلون انملن فرح ملامح وجهي مم كلامه بعدت ايده مني ووكفت يم الجنطه مالتي اخذت كتبي وشغلت الضوه حطيتهم على الچربايه واخذت ملابس وطلعت
بدلت ورجعت للغرفه لكيته فارش سجادته ويصلي سويت نفسي مامهتمه حطيت كتابي بحضني وكمت اقره كلساع تجي عيني عليه يصلي بخشوع ومن يرفع ايده يكبر عضلاته يبرزن ديلا بلا اذا يضل كدامي هيج شلون اركز وأصلي.
خباثه بي فليت شعري ونثرته على شعري ووخرته من چتفي البي شامه علمود لايغطي
اقره والف شعري على اصبعي خلص صلا سفط المصلايه وحطها بمكانها
اجه تمدد كدامي يسوي نفسه يلعب بلتليفون مالته وكلساع تجي عينه عليه واني مسويه روحي حته ماشايفته
شلت كتابي افتر بلغرفه اروح وارجع اروح
وارجع اتصل تليفوني تمشيت اله مديت جسمي اخذه بنص الچربايه صاير
نزل شعري من الجهتين اخذته وابتعدت غَهيب مغمض عيونه
هُذال: هاا سفانه.
سفانه: نزلو تعشو.
: ما اريد اني.
: وغهيب.
: دكي عليه.
سديته منها وشمرت الجهاز تريدني احچي وياه ام حلك وصل اشعار الغهيب يمكن هم كالها ما اريد بقه يتكلب كلساع اشوفه يباوع عليه
بس سمعت صوت عمه جاسم ومرته جوه باوعت على غهيب بسرعه رافعه حاجبي هسه تطلع وسن وياهم
كام يباوعلي صفح واني اباوعله صفح
نزل جوه بس طلع ركضت للكنتور مالتي بدبت ملابسي ركض ركض حته شعري لفيت ونزلت اراقب خاف جايه وسن وياهم.
وطبعاً متفارك امها على حچيها مال ذيچ المره
باوعت الوجهي بلمرايه زين حلو حلو
باوعت على الدرج ضربت كتابي دفره معدله علمود هاي الحيه هسه وكتج
زين اذا طبيت بسرعه انكشف مهتمه رجعت صعدت فوك رتبت شعري باوعت بلكتاب شويه وعفته ونزلت طبيت سلمت عليهم بقيت شويه اباوع الغهيب بدون ميدري واباوع الوسن اجتني لحضه ادراك اني عايفه مستقبلي علمود هاي الصفره بلحالتين غَهيب مامكلبها.
ترخصت منهم لان عندي قرايه وصعدت فوك اني اضيع وقتي من ورا وسن امداني اي والله
واكعد ادك قرايه لل 12: 30 همه مارايحين ادري شكو متكلولي نزلت جوه طبيت ووياي طب مُهاف مشتري كرزات وحچه وياي كدامي بأيده علاكه
مُهاف: هاچ هُذال مساع ما أكلتي.
ابتسمت بوجهة واخذتهن منه
هُذال: فدوه الكلبك أني اروح.
ابتسم بخفه وهمه ترخصو وراحو بقيت جوه اكل وغهيب طلع يشتري السفانه صعدت فوك ضميت كتبي ونمت فتره يلا سمعت طكه الباب من انفتح
غمضت عيوني حيل فتح الضوه ورجع طفا بدل ملابسه واني تشنجت ابد ما اتحرك شال الغطه وتمدد وياي ذب نفس بحسره وحچه يضم راسه بين كتفي وبين ركبتي ويرفع خشمه للزاويه الورا أذني
غَهيب: تعبتي گلبي يا أهله.