رواية أغلال زمن الغيهب للكاتبة مرمر الدليمي الفصل الثالث عشر
غَهيب: شخص سكران ماله أي صله قرابه الچ.
هُذال: لا مو غريب تريد تقنعني أنتَ.
: وروح أبويه غريب سكران وداخل رامي عشوائي.
: لو بيه ولا برسلان لو بيه.
- ضميت وجهي برگبته ابجي بحرگه ووجع:
هُذال: بعدهن جروح امي وابوي بگلبي خضر والله مامتشافيات
- ضمني الصدره اكثر:
غهيب: اشش اسم الله على گلبج.
- ميلت راسي على گتفه تعبانه وهوَ محاوطني رافعني اله، لان ما اوصلله، ضل بلساعتين على نفس الوضع، اني ابچي وهوَ يمسح على راسي وبهمس يردد آيات قُرآنيه
- مشاني كعدني عل چربايه عافني ونزل شويه وصعد بيده صينيه اكل
هُذال: غهيب ماريد
غهيب: اشش ماكو ماترحين اكلي
هُذال: ماشتهي
-تنهد ورجع كال:
غهيب: لخاطري؟
- بقيت ساكته، سوالي لفه صغيره اكلت لگمه منها وانطيتها اله
هُذال: كافي اكلتها.
- وهوَ شال الصينيه وطلع، تمددت على الچربايه عيوني الفوك، دخل غهيب طفه الضوه ذب تيشيرته وتمدد بصفي
غهيب: هُذال بابا
هُذال: همم
غهيب: غمضي لفتكرين بشي تمام؟
- هزيت راسي، الغرفه ضلمه حيل، غمضت دموعي توكع من الجهتين، بلعومي مجرح يوجعني حتى من ابلع، يمكن مرن 3 ساعات واني بس مغمضه وابچي
- باوعت لجهة غهيب ضلمه بس على الاكيد غافي، نزلت اتلمس الاماكن الحدما وصلت للباب.
- فتحته على كيف وطلعت رجليه ياخذني للغرفه مال رسلان فتحها وضليت واكفه بلباب، اباوعلهن الغراضه دخلت والباب مفتوح، ، تقربت لجنطه ملابسه طلعتهم لازمتهم بأيدي، حطيتهن على خشمي
هُذال: رسلان ياروحي انتَ، يا ريحَة هَلي، ابني انتَ مو اخوي.
- ضليت ابچي حاضنه الملابس لگلبي، مسح على كتفي شخص من وره، درتله غهيب، ميلت راسي ودموعي بخدي وهوَ كال بحسره.
غهيب: هُذال لاتضعفين فدوه اروحلج وينها هُذال القويه المايكسرها شي؟ وينها المؤمنه ب الله؟
- رفعت راسي اأشر وابچي
هُذال: راحت راحت مترجع
- هز راسه لا
غهيب: ترجع ترجع لاتقهرين اهلج واخوج بگبره لاتبجين عليهم ترحمي الهم.
- ضل يحجي وياي هوايه ويصبر بيَ واني كُتله اريد انام هنا، ماكال شي تمددت بفراش رسلان، عبالي غهيب ينام بذيج الغرفه بس لا تمدد بصفي وسحبني لصدره، ايده تمسح على كتفي اسولفله على رسلان الغصه ببلعومي والعَبره خانگتني
- وهوَ كلما شهگت كلما عصرني بحضنه اكثر ويفز جسمه وي كل شهكه ايده تمسح على شعري وتنزل على كتفي.
غفيت بحضنه، مر وقت هوااي كعدت فازه، ايد غهيب جوه راسي والايد الثانيه رافع بيها ردن فانيلتي لحد الشامه البكتفي، ايده عليها رجعت غفيت وماكعدت الى ثاني يوم
ما انگُر حنيه غهيب عليه، واحتوائه، وخوفه، واهتمامه، فعلا حسسني هوَ موجود ويايَ وسند
نتيجتي ناجحه ودرجاتي كلهم عاليه، اسينات يوميه تجي عليه هيَ وخالي ونور، اما سميحه ابد ما اجت خالو يكُلهم مريضه.
مُهاف حيييل تعبان ومتغيير ألي يكول فاقد أبنه يكعد بدون واهس ويانه ياكل لكمتين ويكوم ضعف حييل حاله مثل حالي ماكو فرق مسحت وجهي ونزلت جوه سانده نفسي بلمحجر مال درج ردت ادخل للمطبخ وسمعت حچي مُهاف هوَ وغهيب ضهر مُهاف صاير عليه وغهيب كباله جره غَهيب الحضنه ومهاف حضنه حيييل ضام وجهه برگبته نزلت دموعي وأني اسمع صوت شهگاته يبچي بحركه يحچي بلوعه گلبه مشلوع.
مُهاف: بلعرس غَهيب يكلي بعد ابد ما اعوفك، يكلي احبك عمو مُهاف، غهيب اول مره اتعلق بطفل هلكد أول مره أحتار بيش وشلون أطفي حزني گلبي تعب بكد ما افكر بي والله تعب
غَهيب: قوي كلبك عضيدي لاتكسر گلبي عليك همَ أني كلبي تعبان على تعبكم أنتَ وهذال
مُهاف: مااكدر مااكدر.
شهگ حيل يحضن بغهيب حيل، كل ماأحط راسي على المخده يجي صوت الطلقه براسي صورته وهوه الدم الترس مكانه أنه انه الخليته يروح أنه النزلته من حضني من ورايه لو رايح بمچانه سوده بوجهي ريتها فاتت بنص گلبي ولاگاتلته.
بچيت بچي حسيت گلبي راد يطلع من مكانه، حطيت أيدي على گلبي وشهگت كمت كوه اجر النفس سفانه فتحت عيونها على وسعهم من نزلت من الدرج تركض جابت مَي وفتحت اول دگم قميصي تفرگ على گلبي.
سفانه: تنفسي هُذال تنفسي باعي بهدوء جري نفس
ترجف أديها حاطت الكاسه من ايدها كامت تبچي وياي صاحتت بصوتت عاليي
سفانه: غهييب غهيييب تعال عفييه تعال
بعد ماحسيت على اي شي اغمى عليه...
سفانه:
ركضنه كلنه الهذال دخل غهيب شافها متكومه بلكاع اجه يركض متسودن يضرب على خدها بخفه
غَهيب: هُذال، هذاال بابا.
مترد فاقده شالها وطلع يركض ماما بس لفت شالها شلون ماچان تبچي وتردد.
آيات: راحتت البت رااحتت وره أخوها يمه سوده عليه يمه ياهذال ياتعب كلبچ.
ركضنه وراهم بسياره مُهاف دخلنه للمستشفى غَهيب واكف مكتف أديه عيونه على باب غرفه الطوارئ ركضت أمي اله
: ها يمه شبيها أماسيل.
ذن نفس مختنك فرگ وجهة حيل ونزل أيده الصدره يمسح عليه رد بحيره
غَهيب: ما أدري يمه ما أدري.
اني بس واكفه وابچي صار الها بلشهر ونص لا ليلها ليل ولا نهارها نهار 24 ساعه كاعده بغرفه رسلان وتبچي وتحاچي بي.
مرت تقريب الساعه وطلع الدكتور وجهة أبد ميبشر بخير
الدكتور: عندي الكم خبرين الاول موزين والثاني زين.
رد غَهيب، شبيها مرتي.
اخذ نفس وكال بخيبه، الخبر الموزين المريضه عدها فتحه بلقلب.
شهگت أمي ودكت على صدرها وغهيب بهت وجهة يباوع للدكتور
آيات: يايمه يا هُذال.
ارتد غَهيب لورا مامسيطر لزمه مُهاف وحچه وي الدكتور
مُهاف: والزين دكتور.
غمض عيونه بطمأنينه: الخبر الزبن الحَمد الله الفتح صغير وبأذن الله يلتأم بلعمليه شكد متكدرون أستعجلو
رد غَهيب حيله رايح
: دليني دكتور مضبوط باچر أسويها.
: دكتور محمد جداً ممتاز بمكان لكن العمليه ممكن تكلفكم هواي.
: رقم انطيني رقمه اكدر اسويها باچر أذا الدكتور عنده فرااغ؟!
: بعد احسن تفضل وياي.
دارت عليه أمي حضنتني ثنينه بچينه أتصل جهاز مُهاف رفعه بلع ريگ وداره عليه
اسينات.
دورت على جهازي مجايبته يجوز متصله عليه ومن ماردينه عليها أتصلت رد مُهاف
اسينات: السلام عليكم.
مُهاف: وعليكم السلام.
: اكولك عفيه احنه واكفين بلباب اني وبابا.
قدمه بأتجاهي واخذته منه
: هلا اسينات أحنه بلمستشفى.
: شنو؟ شبي صوتچ عليمن تبچين!
: هذال تخربطت.
: شننوو بياا مستشفى انتووو!
: مستشفى
: تمااام تماام جايين.
سديته منها كاتمه صوت بچيتي روحي توجعني على هُذال من بعيد شفت سلار جاي بأتجاهنه ملهوف لابس الابكوت مالته وكف قريب علينه تقدم على مُهاف حضنه ابتعد منه يحچي وياه وبين على وجه سلار
القلق.
وكف يمنه سلم واني وماما بس نبچي منتضرين غَهيب دخل حامد خال هُذال واسينات ويه موصلت اسينات حضنتها ونهاريت بچي هيه بس تريد تعرف شبيه واني بس اردد بأسم هُذال ابتعدت مني عاكده حاجبها
اسينات: هُذال؟ شبيها هُذال!
أجو مُهاف وسلار يمشون وي غَهيب حامد ابد ماوكف بس يسأل يردون بس يعرفون شكو سلمو كلهم
حامد: شبيهاا بنت أختي شبيهاا.
اسينات: متحچون شبيكم؟!
مُهاف: الدكتور كال عدها فتحه بلقلب وألى عمليه.
سكت حامد ما مستوعب طاحت على ركبها اسينات فاتحه عيونها على وسعهم تهز براسها لا، رفعت عيونها السلار
تحچي بهدوء مُريب.
اسينات: تعيش مو تعيش.
هز راسه اي يباوع الها
سلار: أن شاء الله لاتفاولها بعده الفتق كلش صغير.
هزت راسها كومتها وحامد عيونه متعلكه بلغرفه مال طورائ حرف مانطق.
كعد غَهيب حاط راسه بين أديه ساندهم على رجله وبس اجه الدكتور راح وياه.
هُذال:
فتحت بثكل على بزه أبره المُغذي بأيدي راسي حيل يوجعني غَهيب واكف كدامي الأجهزه محاوطتني عكدت حاجبي متألمه من وجع راسي طلع الدكتور وغهيب وكف قريب عليه يباوع الوجهي حچيت بتعب حروف أسمه كوه تطلع من حلكي.
هُذال: غَهيب.
غَهيب: ملسونته.
درت عيوني للغرفه رجعت باوعت أله ارمش بثكل احچي بتعب
- اريد أسينات. اريد خالو اريد خاله سعاد.
- وانا؟
باوعت لعيونه المتروساات قلق وخوف وكلت بتعب وصوت هادء
- معايفني علمود أكول.
أبتسم بخفه يباوع الملامح وجهي مستغربه وضعه دار وجهة أخد نفس طويل فرك وجهة بين أديه التفت عليه نضره أخيره وطلع.
اسينات:.
طلع غَهيب وجهة مطعون وكف كدام امه يباوع الوجهة لم شفته الداخل حلكه وهوه واكف كدامها دنك سند راسه على كتفها يحچي بحسره
غَهيب: مااكدر اشوفها ضعيفه مااكدر أشوفها تذبل يوم على يوم يمه ما اكدر.
عبرت امه ايدها على كتافه حاضنته وتبچي بدون صوت.
دخلت يمها للغرفه مغذي بأيدها ووجهها تعبان حيل، مسحت دموعي كدامها اضحك ماابين الها
هُذال: اسينات.
اسينات: ياعيونها أنتِ.
: محد اجه؟
: بابا بره وعمتي سعاد يم بنتها مو هنا ومحد يخلونه يدخل بس شخص واحد.
هزت راسها ساكته عيونها على السكف دارت راسها ألي تسأل
هُذال: شبي غَهيب ضايج وانتِ عيونج منفوخه بيه شي؟
اسينات: لا بس سمعت متخربطه كمت ابچي وغَهيب ما ادري عَليش ضايج
هزَت راسها تباوع للسَگف:
هُذال: مَل مني يوميه متخربطه
اسينات: لا لا والله مو هيج، وبعدين حَتى لو مَل منج احنا موجودين؟
هزَت راسها ب اي، بست ايدها مبتسمه عفتها وطلعت اركص بديت ابچي ماكدرت الزم نَفسي
سفانه:
دخلنه يمها كلنه بالسرَه وبسرعه غَهيب حجز يم احسن دكتور ببغداد، سوه ورقه خروج لهُذال وحدد موعد العمليه باچر ب7 الصبح العمليه.
رجعت للبيت نظفته وسويت الهم المُكان هيَ وغَهيب بالغرفه مالتي لان غرفتهم فوك وبيتهم بعده مناقلين اله، والحمدالله هواي ناس مسوين يم هذا الدكتور وناجحه، غهيب بس اجه هوَ وماما بدلو ملابسهم وراحو، اسينات اجت عليه وخالتي هم لان ماما كالت بس تنجح العمليه مال هُذال نذبح ونسوي عزيمه، وهمات اول متطلع يمنه وغَهيب مقابل احد يبقى، لذلك اسينات ونور اجن باتن يمي...
هُذال:
هُذال: غهيب كاعد؟
كدامي يريد يحجي ومتردد.
سفانه: احجي غَهيب!
هُذال: ادري بيه شي، اني احجي عادي مااخاف، اني اصلا متت ويَ رسلان باقيه بس جسد.
غمض عيونه واستغفر بهَمس كعد كدامي واني ع السديه لزم ايدي يحجي بهدوءَ
غَهيب: شوفي هُذال گلبج بي فَتحه صغيره حيل وبالعمليه تنسَد.
هُذال: ما اريد!
غَهيب: هُذال!
هُذال: ما اريد عوفني غَهيب بلكت تكبر واموت ويَ رسلان.
غمَض حيل، يسد بأيده حيل ويرجع يفتحها.
غَهيب: هُذال لاتشلعين كلبي بعَد ساعات لعَمليتج فَكري بأسينات من البارحه تبچي عليج سفانه خالتج خالج فكري بيهم!
سكت تعبان ومبَين عليه منايم، عيني علبياض البلسگف مال غرفه الاني بيها، دموعي تنزل وحده وره الخ، رجع غهيب حچه بحسره:
غَهيب: فگري بيه؟
درت وجهي اله ابچي بهدوء بدون صوت، ساكتين ثنينه عيوننا ما تكدر تعوف عيون الثاني، مديت ايدي اله وهوَ لزم ايدي ولمها بين ايديه
هُذال: غَهيب.
غمض عيونه حيل نزل راسه لايدي باسها حيل مغمض، طول يلا شال راسه ورَد ب تعَب
غَهيب: مَلسونته
ارتبكت حيل صافنه على وجهة
هُذال: شبيك؟
هز راسه لا مابيه شي حاضن ايديه
غَهيب: اريدج تطيبين وتتعاركين وياي.
هُذال: اي علمود تفصخ ايديه مثل ذيج المَره، والله تحَير السكتت مقابل العاركتك مقابل.
ابتسامه ملت وجهه من حجيت ورَديت عليه، سكت ورجع كال
غهيب: عاركي بس مو تكولين عَديم الاخلاق.
هُذال: لعَد شگلك، شُكراً غَثيتني تعال ابوسك؟
انمله وجهه بتوهج وهَز راسه
غَهيب: اي.
فتحت حلكي هاذا شبي!
هُذال: صُدك صاير فَد مَره
رفَع حاجبه يسأل
غَهيب: شصاير؟
هُذال: شمدريني اسأل روحك شو مَدري شلونك شو چنك كَيفت؟!
غَهيب: لعَد ليش ما اكَيف مَرتي وكالتلي تعال ابوسك.
فتحت عيوني متفاجأه
هُذال: غَهيب
غَهيب: مَلسونته يابا مَلسونته انتِ!
بلعت ريك صافنه هذا عود صدك غَهيب ابو الخزرات
هُذال: تعال قرب راسك يَمي.
بسرعه خله راسه يمي، عباله صدك اريد ابوسه، شلت ايدي حطيتها على كصته
هُذال: شبيك شو حتى ما مصخن؟
غَهيب: هسه تبوسين راسي لو اوخر
دفعت راسه ب ايدي
هُذال: ياا شَبوس منَك داده وخر
غَهيب: خوش لعد انه اشتغل.
بعدني ما مستوعبه حچايته وهوَ باسني بخدي وضَل على نفس الحركه، فاتحه عيوني على وسعهم والاجهزه مال قلب المربوطه على كلبي على صوتهن، حچيت بتلعثُم
هُذال: غَهيب
بعَد شفايفه بس ما شال راسه
غَهيب: اشش سُكتي.
رجع نفس ما چان واني واحد وره الخ جاي يفاجئني بتصرفاته، شال راسه كوه مفتح عيونه، واني ماحچيت حرف واحد بسرعه غمضت عيوني وغفيت وين يالله فتحت عيوني، غهيب يصلي يمي رافع ايده يدعي، رجعت غمضت عيوني كعدت ب 5 لكيت كلها يمي وتطمن بيه
سَلار:
دخلت هُذال للعمليات وطلعت سالمه الحمدالله والعمليه ناجحه، ضلت 5 ايام بلمستشفى بعدها طلعت للبيت، طول هاي.
المده اني عايش بيت وحدي، طلعت لان ابويه تبره مني!، والسبب لان اقابل هُذال ومعايفها عايش بهدوء حيل مرتاح وعَمي ابو هُذال چنت هواي التقي بي اني وياه بدون علم احد، قبل ليتوفى بساعات چنه اني وياه سوه، كال اذا متت باچر عُگبه عائلتي امانه يمك انتَ الوَحيد التكدر تحافُظ عليها، مادري شلون چان عليه حاسه يموت وفعلاً مات، لذلك افضل اعوف اهلي ولا هُذال، مو مجرد بت عم هُذال هاي وصية عَمي ستار.
بعد العملبه قدمت على قسم ثاني اريد ادرسه واستغل وقت فراغي واعوف التفكير و كليوم امر على هُذال اتطمن عليها
هُذال:
هُذال: ماكدر اوصف كميه الحنان المحاوطتني خالتي، خالو، نور، اسينات، سفانه، مُهاف، غَهيب، سَلار...
بهاذ الموقف اكدو إلى اني حياتي مليئه بالاشخاص الحنينه والتحبني وتخاف عليه، كلهم كاعدين اسينات ونور وخالو راحو ومُهاف وانه وسفانه وخالة غَهيب حنان كاعدين يمي، طلع غَهيب يجيب اكل بعد ما لَح عَليه الف مَره كالت حنان ب شقه:
حنان: يا دهَر شوف شلون فاره الوليد فر الچان يتسودن من اللح وهوَ الصاير يلح
مُهاف: حته امي من مات ابوي وسوت عمليه مال قسطره ما لح عليها هالكثر.
ضحكت خاله ايات وردت.
ايات: خاله امه وين مرته وين
كلت الها
هُذال: ياا خاله ونبي يموت عليج، مره بلسياره دك عليه ابو هندس وهوَ فتح سبيكر وخلاه على الچگمچه من يريد يسده كال اله سلملي عله امك، يا ونبي الغيره تجدَح بعيونه عليج حته راد يدعمنه وضل يغلط عليه، يكله كول الوالده الوالده، ضحكو كلهم وخالته ردت عليه
حنان: داده نشف حلكج نشاقه وياج.
دك جهاز مُهاف، رفعه ورجع سده كال سلار بلباب دخله وهوَ سولف ويايه شويه وراح واني يوم وره لخ بديت اتحسن.
كل اسبوعين جان غهيب يوديني للنجف بس من سويت العمليه بعد موداني، من صرت شويه احسن صرت اصعد لغرفتي، وهمات سفانه غرفتها، من غهيب شافني بليل اروح لغرفه رسلان واضل ابچي قفلها، لان الدكتور منعني هلفتره من اي شي يأذيني ويضوجني، كام ياخذ القفل وياه ويقفلها، ما اكدر اعبر على وكفه غهيب ويايه بهلفتره وضل حريص ع ادويتي واگلي وحركتي حته الكلاص من اريد اخذه واشرب هوَ ياخذه ويشربني.
بهاي تصرفاته چنه ديكُلي: انتِ فقدتي اخوج ما فقدتيني.
وطول هاي الفتره جانت خالته تكُلي او تلمحلي على غَهيب من يضوج شيسوي واني ارد عليها: عادي، طبيعي، ليش تسألين.
بس مجانت تجاوب واني هم ما منطيه اهميه للموضوع، عبر اربعين رسلان ومرت 5 اشهر، صحتي حيل تمام وابد متجيني نغزات مثل قبل، بديت استجمع نفسي وخاصتا اني هلسنه اخر سنه الي.
ام غهيب حيل حيل زينه، وسفانه مثل الاخت اسينات همات، مُهاف اخذ فتره طويله يالله رجع مثل قبل، موت رسلان حيل اذاه والحد هسه من يتأخر بليل ع العشه يتصل عليه، غهيب، يكله ب النجف، هواي تعلق بي وخاصتاً قبل ليموت، رسلان كايل لمُهاف بعد ابد ما اعوفك كل عطله انام بغُرفتك اريد وياك
وهاي كُل عطله مُهاف ياخذني ونروح نبات يمه، غهيب رجعت تصرفاته طبيعيه مثل قبل العرس من چنه 24 ساعه معارك، نروح سوه ونرجع سوه.